Бирлашган Миллатлар ташкилотининг озиқ-овқат нархлари индекси август ойида 2021 йилга нисбатан 7,9 фоизга ошди. Бу ҳақда БМТнинг Озиқ-овқат ва қишлоқ хўжалиги ташкилоти (FAO) август ойидаги ҳисоботларида маълум қилди.

FAOнинг август ойидаги озиқ-овқат нархлари индекси 138 пунктни ташкил этди. Бу 2022 йилнинг июль ойига нисбатан 1,9 фоизга кам, бироқ 2021 йил август ойига нисбатан 7,9 фоизга юқори. Озиқ-овқат нархлари индекси кетма-кет бешинчи ой ўсди. Янги рақамлар FAOнинг август ойидаги ҳисоботида келтирилган.

FAO ойлик озиқ-овқат нархлари мониторингининг асосий натижалари: 

пальма, кунгабоқар ва колза ёғлари нархининг пасайиши туфайли ўсимлик ёғи нархлари индекси июль ойига нисбатан 3,3 фоизга пасайди.

Канада, АҚШ ва Россияда буғдой йиғим-терими бўйича яхшиланган прогнозлар туфайли дон нархи индекси 1,4 фоизга камайди.

Шакар баҳоси индекси август ойида 2,1 фоизга тушди. Бу кўрсаткич тўртинчи ой кетма-кет пасайиб, 2021 йил июлидан буён рекорд даражада пастлади. Бу Ҳиндистондан шакар экспорти ҳажмининг ўсиши ва Бразилияда этанол нархининг пасайиши билан боғлиқ.

Сут маҳсулотлари нархлари индекси 2 фоизга камайди. Шу билан бирга, талабнинг ортиши ва ички бозорда кучли сотувлар туфайли пишлоқнинг жаҳон нархлари кетма-кет ўнинчи ойда ўсишда давом этди.

Гўшт нархлари индекси 1,5 фоизга тушди. Парранда гўшти нархи энг кўп экспорт учун юқори таъминланган етакчи ишлаб чиқарувчилар томонидан импорт харидларининг камайиши ҳисобига тушиб кетди.

Бундан ташқари, FAO прогнозига кўра, 2022 йилда жаҳон дон маҳсулотлари етиштириш ҳажми 2021 йилга нисбатан 38,9 миллион тоннага ёки 1,4 фоизга камаяди.

Бирлашган Миллатлар Ташкилотининг Озиқ-овқат, энергетика ва молиявий инқирозга қарши кураш бўйича глобал гуруҳи (ГCРГ) прогнозига кўра, агар 2020 йил бошидан ҳисобласак, озиқ-овқат нархи 50 фоизга ошган.

БМТ жаҳон бозорларида ўғит танқислиги туфайли озиқ-овқат билан боғлиқ вазият янада ёмонлашишини башорат қилмоқда. Халқаро ўғитлар ассоциацияси келгуси мавсумда глобал ўғит истеъмоли 2008 йилдаги инқироздан бери рекорд даражада паст бўлишини тахмин қилмоқда.

Эслатиб ўтамиз, FAO 2022 йил январь ойидаги ҳисоботида озиқ-овқат нархлари 2021 йилнинг январига нисбатан 19,5 фоизга ўсганини маълум  қилганди.

Шунингдек, 2022 йил февраль ойида дунё бўйича озиқ-овқат нархлари тарихий рекорд даражага кўтарилгани ҳақида хабар қилинганди.