Буюк Британия ҳукумати бизнесмен Роман Абрамовичнинг (Forbes унинг бойлигини 8,7 миллиард долларга баҳолайди) Truphone телекоммуникация компаниясини Россия билан тахминий алоқалари текширилаётган немис тадбиркори Ҳакан Кохга 1 фунтга сотгани бўйича текширув бошлади. Бу ҳақда The Telegraph манбаларга таяниб хабар берди.

Текширув Буюк Британиянинг бизнес бўйича давлат котиби Кваси Квартенг томонидан топширилган. Ўз веб-сайтида Европадаги энг йирик фойдаланилган автомобиллар бозори сифатида кўрсатилган Auto1 онлайн-дўконининг эгаси Кох англашилмовчиликда қолиб кетганини айтиб, терговга қарши чиқди. У Квартенгга учрашув ўтказиш ва келишувни муҳокама қилиш илтимоси билан мурожаат қилди.

Нашр манбаларининг таъкидлашича, «тергов самарали тарзда Truphone’ни Абрамовичнинг қўлига топширган», компаниянинг сотилишини янада чеклаш юзлаб иш ўринларини хавф остига қўйиши мумкин. Компания мобил алоқа ва интернетни, шу жумладан eSIM технологияси орқали таъминлашга ихтисослашган бўлиб, у жисмоний SIM-карта харид қилмасдан операторга уланиш имконини беради.

The Telegraph Truphone келишуви Россия билан алоқадор эканини даъво қилмоқда. Нашрнинг таъкидлашича, Ҳакан Кохнинг Auto1 платформаси Абрамовичнинг шериги, Truphone’нинг ҳиссадори, Evraz кон-металлургия корхонаси эгаларидан бири, бизнесмен Александр Фролов (Forbes унинг бойлигини 2,6 миллиард долларга баҳолаган)нинг ўғли кичик Александр Фролов томонидан бошқариладиган Target Global венчур фондидан инвестиция олган.

Катта Фролов Абрамовичдан фарқли ўлароқ, санкциялар остида қолмади. Май ойида у Evraz президентлигидан кетиш қарорини эълон қилган эди. 

Роман Абрамович ва унинг шерикларининг май ойида Truphone’ни 1 фунт стерлингга сотиш режалари ҳақида Financial Times манбаларга таяниб хабар берган. Нашр суҳбатдошлари сотиш қарорини Абрамовичга нисбатан қўлланилган санкциялар билан боғлашган. 

«Шартнома июнь ойига мўлжалланган эди. Абрамович уяли алоқа операторининг 23 фоизига эгалик қилган, қолган акцияларнинг катта қисми унинг Evraz’даги ҳамкорлари Александр Фролов ва Александр Абрамовга тегишли эди», дея хабар беради газета манбалари.

FT икки европалик тадбиркорни сотиб олиш учун ариза берувчилар сифатида кўрсатди. Юқорида айтиб ўтилган Ҳакан Кох компанияда 90 фоиз ва унинг бизнес шериги Пиррос Кусиос яна 10 фоиз улуш олиши керак эди.

Абрамович ва унинг шериклари Truphone’ни The Times нашрига сотиш режалари ҳақида ҳам ёзишган. Газетанинг таъкидлашича, уларнинг келишувдан кўрган зарарлари 300 миллион фунт бўлиши керак эди. Компаниянинг ўзи 2020 йилда 410 миллион фунт стерлингга баҳоланган.

Эслатиб ўтамиз, аввалроқ Роман Абрамовичнинг Америка ҳеж-фондларидаги активлари музлатилганди.

Шунингдек, Европа Итиифоқи Роман Абрамович ва «Яндекс» раҳбарига янги санкциялар киритилгани ҳақида хабар берилганди.