Россиядаги банклар масофавий хизматлардан воз кечиши мумкин
Россия банклари мижозларининг манфаатларини ҳимоя қилиш мақсадида уларнинг хоҳишига кўра масофавий хизмат функциясини ўчириб қўйишлари мумкин
Россиядаги банкларда мижозларни фирибгарлар ҳамда киберҳужумлардан ҳимоя қилиш мақсадида масовафий хизматлардан фойдаланиш тўхтатилиши мумкин. Бу ҳақда «Интерфакс» ҳабар бермоқда.
Таъкидланишича, 2022 йил 1 октябрдан бошлаб банк мижозлари мустақил равишда банкда онлайн транзакцияларни тақиқиқлаш ёки уларнинг параметрларини чеклашлари мумкин. Хабарда айтилишича, ушбу қарор Россия Федерацияси Марказий банкининг кўрсатмаларидан келиб чиққан ҳолда амалга оширилиши мумкин.
Банк мижозлари алоҳида хизматлар учун, масалан, пул ўтказмалари, онлайн кредитлаш ёки барча операциялар учун тақиқ ўрнатишлари мумкин. Буларнинг барчасини бепул ва чекланмаган миқдорда амалга ошириш мумкин. Агарда мижозга бир нечта банкларда хизмат кўрсатилса, уларнинг ҳар бири билан алоҳида боғланиш керак бўлади.
Шунингдек, кредит ташкилотлари ушбу мурожаатларни веб-сайт, мобил илова ёки офисга келиш орқали амалга оширишни ўзлари мустақил белгилайди. Шу билан бирга, банк мижози исталган вақтда чекловларсиз онлайн-транзакцияларни тақиқлашни бекор қилиши ёки параметрларини ўзгартириши мумкин, дейилади Марказий банк хабарида.
Бундан ташқари, 1 октябрдан мижозларни киберфирибгарлар ҳаракатларидан ҳимоя қилиш мақсадида банклар фуқароларнинг онлайн транзакцияларни амалга оширадиган барча қурилмаларини аниқлашлари, уларнинг телефон рақамлари ва электрон почта манзилларини тасдиқлашлари талаб этилади.