SAP Россия бозорини тарк этади
Компания Украинадан келган қочқинларни қўллаб-қувватлаш учун яна 700 минг евро хайрия қилади.
Германия дастурий таъминот ишлаб чиқарувчиси SAP ўз веб-сайтида Россия бозорини тарк этишни режалаштираётгани ҳақида баёнот эълон қилди. Аввалроқ компания Россия ва Беларусдаги савдони тўхтатган эди.
SAP санкцияга дучор бўлмаган компанияларга бир нечта вариантни таклиф қилади: маълумотлар марказларидан маълумотларни ўчириш, уларни эгаларига юбориш ёки Россиядан ташқаридаги маълумотлар марказига ўтказиш.
«Миграцияни танлаган компаниялар учун жорий обуна муддати тугаши билан шартномани янгиламаймиз», дея маълум қилди SAP.
Компания, шунингдек, Россия бозорига аллақачон кирган маҳсулотларни қўллаб-қувватлашни тўхтатади. Аввал ўрнатилган дастурий таъминот ишлашда давом этади.
Компания Россияда 30 йилдан ортиқ вақтдан бери фаолият юритиб келмоқда ва «буюк жамоа»ни шакллантирган. SAP ўз масъулиятига, яъни унинг бозордан чиқиши россиялик ходимларига қандай таъсир қилишига эътибор қаратади.
Компания Украинадан келган қочқинларни қўллаб-қувватлаш учун яна 700 минг евро хайрия қилади, SAP хайрияларининг умумий миқдори аллақачон 3,7 миллион еврога етди.
Аввалроқ General Motors Россия бозорини тарк этими ҳақида хабар берилганди.