Жорий йил 30 ноябрдан 2 декабргача UzExpoMarkaz миллий кўргазмалар мажмуасида бўлиб ўтадиган Тошкент халқаро туризм ярмаркасига ташриф буюрувчиларни рўйхатдан ўтказиш бошланди. Бу ҳақда Туризм ва маданий мерос вазирлиги хабар берди.

Маълумки, халқаро кўргазмалар ишлаб чиқарувчилар учун ўз брендини бозорда тарғиб қилишнинг асосий воситаси бўлиб, бу ўзларининг кўргазма павильонлари орқали миллий имижини оширишнинг ажойиб усули ҳисобланади. Хўш, нима учун ТХТЙ-2022 га ташриф буюриш керак?

Биринчидан — халқаро ташкилотлар ва компаниялар билан бизнес алоқаларини ўрнатиш имконияти;

Иккинчидан — B2B учрашувлари, конференциялари, тақдимотлари, семинарларида иштирок этиш, туризм соҳасидаги долзарб масалаларни муҳокама қилиш имконияти;

Учинчидан — ярмарканинг бой дастури — кўргазмалар, форумлар, маҳорат дарслари ва бошқалар;

Тўртинчидан — Ўзбекистоннинг миллий муҳитини ҳис қилиш, мамлакат ҳудудлари, уларнинг бой маданияти ва кўп асрлик анъаналари билан яқиндан танишиш;

Бешинчидан — дунёнинг турли халқларининг маданий мероси билан танишиш.

ТХТЙ-2022 га рўйхатдан ўтиш учун мана бу ҳаволага кириш керак.