UzAutoMotors малакали кадрларни ишга таклиф этмоқда
UzAuto Motors малакали кадрларни танлов асосида ишга қабул қилмоқда. Танловда иштирок этишни хоҳловчилар махсус порталга мурожаат қилиши керак бўлади.
Андижон вилояти Асака шаҳридаги автомобиль заводи билан бутун республикага ном таратган. Автомобиль саноати Ўзбекистон иқтисодиётида етакчи ўринлардан бирини эгаллайди. Бу соҳада мамлакат алоҳисининг салмоқли қисми иш билан бандлиги таъминланган.
Автомобилсозликдаги битта иш ўрни турдош соҳаларда 7-8 та иш ўрнини яратади. Бугунги кунда заводнинг ишлаб чиқариш ҳажми 300 минг дона автомобиль бўлиб, ушбу қувват кундан кунга ортиб бормоқда.
Қолаверса, Ўзбекистон Президентининг топшириғига биноан, компаниянинг бошқарув ва ишлаб чиқаришни босқичма-босқич транформация қилиш доирасида, GM GEM (General Motors Global Emerging Markets) платформасида янги Сhevrolet Tracker ва Onix автомобиль моделларини ишлаб чиқаришни йўлга қўйиш амалга оширилди.
«Корхонада ишлаб чиқариш ҳажмининг босқичма-босқич оширилиши, янги GM платформасида Сhevrolet Tracker ва Onix автомобилларини йиғишнинг бошланиши минглаб янги иш ўринлари, янги ишчи кучига бўлган талабни келтириб чиқармоқда», — дейди UzAuto Motors ходимларни бошқариш дирекцияси раҳбари Илҳом Таиров.
UzAuto Motors малакали кадрларни ишга жалб этиш мақсадида, 2022 йилнинг 17 август куни uzautojobs.uz порталида танлов эълон қилди.
Маълумот ўрнида, компания ходимларни жалб қилишнинг шаффофлигини таъминлаш, инсон омилини камайтириш ва коррупцион ҳолатларнинг олдини олиш мақсадида, ишга малакали мутахассисларни қидириш, жалб қилиш ва танлаш, номзодларни суҳбат ёҳуд танлов асосида ишга қабул қилиш учун uzautojobs.uz янги бўш иш ўринлар портали фаолиятини йўлга қўйган.
Бугунги кунда танловга жами 7 минг нафардан зиёд аризалар келиб тушди. Номзодлар танлов асосида 4 босқичда ишга қабул қилинади.
Булар: 1-босқич тест топшириш жараёни бўлиб, бунда номзодларнинг билим кўникмалари баҳоланади. Тестдан муваффақиятли ўтган номзодлар 2-босқич, яъни жисмоний тайёргарлик синовидан ўтказилади. Машқларда яхши натижа кўрсатган номзодлар, 3-босқич – амалий машғулотлар босқичига йўлланмани қўлга киритади.
Учала босқичдан ҳам яхши натижани қайд этган номзодлар билан эса махсус қабул комиссияси аъзолари иштирокида якуний суҳбат жараёни бўлиб ўтди. Якуний суҳбат натижасига кўра, айни пайтда ҳозирча 500 нафарга яқин номзодлар ишга қабул қилинди.
Айни кунда uzautojobs.uz порталида танловга ҳужжат топшириш давом этмоқда. Танловда иштирок этиш бўйича аризаларни қабул қилиш фақат номзодлар томонидан махсус электрон платформадаги сўровномани тўлдириш орқали амалга оширилади.
Танловда иштирок этишни хоҳловчилар uzautojobs.uz сайтига мурожаат қилиши мумкин. Қўшимча маълумотлар учун телефон рақами: +99 8 78 141 77 77.
Танловда қатнашинг ва ойлик маоши яхши, муносиб ишга эга бўлинг!
Реклама