Hukumatning 2024-yil 29-martdagi “Atmosfera havosiga transport vositalarining salbiy taʼsirini kamaytirish boʻyicha chora-tadbirlar toʻgʻrisida” qarori bilan 2024-yilning 1-iyunidan boshlab barcha toifadagi avtomototransport vositalariga ekologik stikerlarni bosqichma-bosqich joriy etish rejalashtirilgan edi. Vazirlar Mahkamasining 3-iyuldagi qarori bilan ekostikerlarni joriy etish muddatiga oʻzgartirish kiritildi.

Unga koʻra, ekostikerlarni berish jarayoni avval belgilanganidek 2024-yil 1-iyundan emas, 2025-yil 1-martdan boshlab amalga oshiriladigan boʻldi. Shuningdek, 2025-yil 1-yanvarga qadar ekologik zonalar haqidagi umumlashgan maʼlumotlardan iborat Oʻzbekistonning atmosfera havosi boʻyicha dinamik elektron ekologik xaritasi ishlab chiqiladi.

Ekologik zonalar hududida va ularga kirish joylarida aholini qulay tarzda xabardor qiluvchi belgilar oʻrnatiladi. Elektron platforma orqali maʼlumotlar eʼlon qilib boriladi.