O‘zbekistonda bir oilaga nechta telefon to‘g‘ri kelishi aytildi
Yil davomida o‘tkazilgan uy xo‘jaliklari tanlanma kuzatuvlari asosida statistik ma’lumotlar e’lon qilindi. Avvalroq 2024-yilning yanvar-avgust oylarida O‘zbekistonga 2,6 million mobil telefon olib kelingani ma‘lum qilingandi.
Statistika agentligining 2024 yil yanvar-sentyabr oylarida o‘tkazilgan uy xo‘jaliklari tanlanma kuzatuvlari ma’lumotlariga asosan, O‘zbekiston Respublikasida 100 ta uy xo‘jaligiga to‘g‘ri keladigan mobil telefonlar soni o‘rtacha 365 tani tashkil etgan. Bu har oilaga 3,5 ta telefon to‘g‘ri keladi degani.
Ma’lumot uchun ushbu ko‘rsatkich o‘tgan yillarda quyidagicha:
- 2010 yilda 145 ta;
- 2015 yilda 234 ta;
- 2020 yilda 287 ta.
Statistika agentligi sentyabr oyida 8 oy davomida xorijdan qiymati 236,2 mln AQSH dollariga teng bo‘lgan qariyb 2,6 mln dona mobil telefon import qilingani haqida ma’lumot bergandi. Mobil telefonlar importi hajmi o‘tgan yilning mos davri bilan solishtirilganda 318 579 taga oshgan.
O‘zbekiston 2024 yilning 8 oyida mobil telefonlarni eng ko‘p import qilgan davlatlar qatorida Xitoy (2,1 mln dona), Vetnam (405,5 ming dona), Hindiston (70,3 ming dona), Gonkong (27,1 ming dona) hamda BAA (3,4 ming dona) bor.
