Чет эл инвестициялари иштирокидаги корхоналар – корхонанинг устав жамғармасида норезидентлар, чет эл юридик шахслари (чет эл фирмаларининг филиал ва бўлинмалари), чет эл фуқаролари ва фуқаролиги бўлмаган шахслар мулки иштирокидаги корхоналар ҳисобланади.

2025 йил январь февраль ойларида чет эл инвестициялари иштирокидаги янги ташкил этилган корхона ва ташкилотлар сони ўсиш суръати 2024 йилнинг мос даври билан солиштирилганда 119,7 фоизни ташкил этган.

Шунингдек, чет эл инвестициялари иштирокидаги фаолият кўрсатаётган 15 503 та корхоналардан 4 011 таси қўшма корхоналар ва 11 492 таси хорижий корхоналар ҳисобига тўғри келган.

Таъкидланишича, кейинги беш йилда чет эл инвестициялари иштирокида фаолият кўрсатаётган корхоналар сони 1,3 баробарга ошган.

Етакчи ўринни 3 576 та корхонада тўлиқ ёки қисман улуши мавжуд бўлган Хитой эгаллаган. Бу республикада чет эл инвестициялари иштирокида фаолият кўрсатаётган корхоналар умумий сонининг 23,1 фоиз улушини ташкил этади. Шунингдек, Ўзбекистон иқтисодиётига ўз капиталини киритаётган Россия Федерацияси (улуши 19,5 фоиз), Туркия (улуши 12,2 фоиз), Қозоғистон (улуши 7,0 фоиз) ва Жанубий Корея (улуши 4,3 фоиз) давлатлари ҳам етакчилар ҳисобланади.

Ҳудудлар кесимида хорижий инвестициялар иштирокидаги фаолият юритаётган корхоналарнинг жами сонига нисбатан энг катта улуши Тошкент шаҳрига 64,7 фоиз, вилоятлар орасида эса Тошкент – 12,0 фоиз, Самарқанд – 3,8 фоиз ва Сурхондарё вилоятига – 3,4 фоиз тўғри келади.