Унинг асосий маҳсулоти — ChatGPT— мамлакатимизда жуда машҳур. Сўнгги бир неча ойдан бери илова юклаб олишлар сони бўйича барқарор равишда 1–2-ўринларни эгаллаб келмоқда.

Хизматдан бепул фойдаланиш мумкин, аммо обуна бўлсангиз, янада кўпроқ имкониятларга эга бўласиз. Масалан, тариф режаси ойига 20 доллардан бошланади.

Мутахассисларнинг таъкидлашича, энди OpenAI Ўзбекистонда ҚҚС тўлашни бошлаши сабабли мамлакат фуқаролари учун тарифлар ошиши мумкин.

Бундан ташқари, яқинда АҚШга қарашли яна бир булутли хизмат провайдери — Digital Ocean ҳам Ўзбекистонда рўйхатдан ўтди. Демак, у ҳам энди бу ерда бемалол фаолият юритишда давом этиши мумкин.