Ўзбекистоннинг қарийб 150 минг фуқароси ихтиёрий равишда кредит беришни тақиқлаган. Бу ҳақда Кредит-ахборот таҳлил маркази (КАТМ) кредит бюроси ўзининг Telegram-каналида маълум қилди.

1 октябрь ҳолатига 149 465 нафар жисмоний шахс кредит беришда ўзини ўзи тақиқлаш бўйича бепул «Кредитга тақиқ» хизматга уланди.

Гендер кесимида хизматдан фойдаланувчилар орасида эркаклар яққол устунлик қилади — 101,4 мингдан ортиқ, аёллар эса 47,9 минг кишини ташкил этади.

Кредит олиш учун ўз-ўзини тақиқлашдан 26−35 ёшдаги фуқаролар энг фаол фойдаланади — улар барча фойдаланувчиларнинг учдан бир қисмини ташкил қилади. Кейинги ўринларда 36−45 ёшлилар (25,6%) ва 26 ёшгача бўлганлар (19,2%) туради.

Июнь ойида кредит олишни ўзига ўзи тақиқлаш хизмати ишга туширилганда, ундан 33,1 мингдан ортиқ киши фойдаланган. Кейин ойлик ўсиш суръатлари ошди: июлда — 37,6 минг, августда — 37,8 минг, сентябрда — 40,8 минг. КАТМ октабр ойи учун маълумотларни ҳали эълон қилмади.

Жорий йилнинг 6 июнидан бошлаб Ўзбекистонда ўз-ўзига кредит беришни тақиқлаш хизмати ишга тушганди. Ундан Кредит-ахборот таҳлилий маркази кредит бюроси сайтидан бепул фойдаланиш мумкин. Хизмат ёрдамида шахс кредит бюросига ариза бериши ва унга кредит ёки қарз беришни тақиқлаши мумкин. Икки ойдан камроқ вақт ичида қарийб 73 минг киши ўз ихтиёри билан кредит олишни тақиқлаган.