Кейинги 3 йилда доллар курси қандай бўлади? – S&P прогнози
Сўмнинг долларга нисбатан курсини аниқ тахмин қилиш жуда мураккаб, чунки бу кўплаб омилларга боғлиқ S&P халқаро рейтинг агентлиги кутилмаларига кўра 2028 йилнинг охирига бориб миллий валутанинг АҚШ валутасига нисбатан қиймати 13 751 сўмга етиши мумкин.
Ўзбекистон Марказий банки 24 ноябрь кунги савдолар учун 1 АҚШ долларининг сўмга нисбатан курсини 11 914 сўм этиб белгилади. Йил бошидан буён сўмнинг Америка валутасига нисбатан мустаҳкамланиши 7,7 фоизни ташкил этяпти.
S&P халқаро рейтинг агентлигига кўра, ўзбек сўмининг долларга нисбатан курси кейинги йиллар давомида қуйидагича бўлиши мумкин:
- 2026 йилнинг охирида – 12 592 сўм;
- 2027 йилнинг охирида – 13 158 сўм;
- 2028 йилнинг охирида – 13 751 сўм.
Сўмнинг долларга нисбатан курсини аниқ прогноз қилиш жуда мураккаб, чунки бу кўплаб омилларга боғлиқ. Хусусан, Ўзбекистонда иқтисодий ўсиш яхши бўлса, сўмнинг долларга нисбатан қадрсизланиши секинлашади. Аксинча, мамлакатда инфлация даражаси ошиб кетса, сўмнинг қадри пасаяди. Ташқи савдода экспорт-импорт баланси ҳам миллий валута қийматининг шаклланишида муҳим аҳамият касб этади.
