Россиялик миллиардер Виктор Вексельберг шахсий ўсиш бўйича тренингларни танқид қилди. Бу ҳақда Forbes хабар берди.

Маълум қилинишича, энг бой 20 нафар россияликлардан бири бўлган Виктор Вексельберг давлатни шахсий ўсиш бўйича тренингларни назорат қилишга чақирган. Миллиардер уларни «даҳшатли туш» дея таърифлаган.

«Бундай фаолиятни янада қаттиқроқ назорат қилиш керак. Давлат томонидан оқилона назорат бўлиши керак, баъзида бу фожиали оқибатларга олиб келади», — деган тадбиркор.

Миллиардернинг сўзларига кўра, умуман олганда бундай тренинглар даҳшатли тушга ўхшайди уларни олиб борувчилар жуда профессионал одамлар эмас. Унинг таъкидлашича, одамларнинг чиндан ҳам машқ қилишдан кўра кўпроқ ўзларини сотиши яхши тенденция эмас.

Қайд этилишича, Россияда пандемия бошланганидан сўнг, спортдан тортиб ўз-ўзини ривожлантиришгача бўлган турли мавзулардаги онлайн марафонларнинг машҳурлиги ўсган ва оффлайн даромадни йўқотган компаниялар ҳамда йирик блогерлар бу борада тадбирлар ўтказишни бошлаган.

Давлат Думаси фирибгарларга қарши кураш бўйича бизнес-мураббийлар тўғрисидаги қонун лойиҳасини ишлаб чиқиш ҳақида ўйламоқда, уни баҳорги сессияга тайёрлаш режалаштирилган.

Маълумот ўрнида, Вексельберг Forbes талқини бўйича Россиянинг энг бой тадбиркорлари рейтингида 20-ўринни эгаллайди. 2021 йилнинг баҳорида унинг бойлиги 9 миллиард долларга баҳоланган.

Аввалроқ Россиялик миллиардерлар Украина атрофидаги кескинлик туфайли бойликларидан айрилаётгани хабар қилинганди. Шунингдек, ғарбда энг кўп тилга олинган россиялик миллиардерлар ҳақида хабар берилди.