Миллиардер Геннадий Тимченко Россиядаги энг йирик мустақил табиий газ ишлаб чиқарувчи «Новатэк» компанияси директорлар кенгашини тарк этди. Бу ҳақда компания сайтидаги хабарда айтилади.
«‘Новатек’ ОАЖ Геннадий Николаевич Тимченко ўз илтимосига кўра 2022 йил 21 март куни компания директорлар кенгаши таркибини тарк этганини маълум қилади», — дейилади матбуот хизмати хабарида.
Тимченконинг «Новатэк» директорлар кенгашининг янги таркибига киритилмагани 11 март куни акциядорларнинг йиллик йиғилишида овоз бериш учун кенгаш аъзолигига номзодлар рўйхатидан маълум бўлди.
Унга номзодлар қаторида «Новатэк» компанияси бошқаруви раиси ва энг йирик акциядори, миллиардер Леонид Михелсон, Франциянинг Total Energies компанияси вакиллари Арно Ле Фолль ва Доминик Марион ҳам бор.
Кенгашга янги номзодлар Москва «Сколково» бошқарув мактабидан Ирина Гайда ва Франция-Россия Савдо-саноат палатаси президенти Эммануэль Киде эди. Тимченко бу рўйхатда йўқ.
