«Фармстандарт» акционери Егор Кулков ва Freedom Holding инвестиция компанияси асосчиси Тимур Турлов биринчи марта глобал миллиардерлар рўйхатининг Россия қисмига кирди. Бу ҳақда Forbes хабар берди.
Маълум қилинишича, Кулков «Фармстандарт» фармацевтика компаниясининг ҳаммуассиси сифатида танилган. 2003 йилда у Роман Абрамович ва унинг синфдоши Виктор Харитонин билан биргаликда Американинг ICN Pharmaceuticals компаниясидан сотиб олинган бешта завод асосида компания яратган.
«Фармастандарт» 2018 йилда Кулков фармацевтика компаниясининг бенефициари бўлишни тўхтатганини хабар қилган. Бироқ, 2021 йилда, Калининград Кипр офшорининг ўрнига компаниянинг расмий эгасига айланганида, Кулков ҳали ҳам компаниянинг улушига эгалик қилиши маълум бўлди — у компаниянинг 30 фоиз акцияларини бошқаради.
Кулков ва Харитонин бошқа рус фармацевтика компаниялари — «Отисифарм», «Биокад» ва «Генериум» — «Спутник V» коронавирусга қарши вакцина ишлаб чиқарувчиларининг ҳам улушларга эга. Аммо Кулковнинг энг қимматли активи бу жарроҳлик роботини ишлаб чиқаётган Британиянинг CMR Surgical компаниясидаги улушдир. Бугунги кунда ушбу пакет деярли 1,1 миллиард долларга баҳоланмоқда.
Тимур Турлов «Фридом Финанс» инвестиция компанияси, Freedom24 акциялар онлайн-дўкони ва «Фридом Финанс Банк»ни (Қозоғистон) ўз ичига олган Freedom ҳолдинги асосчиси ва асосий эгасидир. Тадбиркор, шунингдек, смартфон ва аксессуарларнинг Freedom Mobile World чакана савдо дўконлари тармоғига эга.
Freedom Holding 2019 йил октябрь ойидан бошлаб АҚШнинг Nasdaq фонд биржасида рўйхатга олинган. Бугунги кунда компаниянинг миноритар акциядорлари қаторига Blackrock инвестиция фонди (0,14 фоиз), HSBC (0,1 фоиз), JPMorgan Chase (0,06 фоиз) ва бошқа йирик институционал инвесторлар киради.
Қайд этилишича, 34 ёшли Турлов 2021 йили биринчи бўлиб Forbes журналининг глобал рўйхатига кирган ва 2,1 миллиард доллар бойлиги билан 1517-ўринни эгаллаган. У Қозоғистонда доимий яшайди, шунинг учун у биринчи бўлиб қозоғистонлик миллиардерлар рўйхатига киритилган.
Кейинчалик маълум бўлишича, у Қозоғистон фуқаролигига эга эмас, лекин у Россия ҳамда Сент-Китс ва Невис ороллари фуқаролигига эга ва энди у миллиардерлар рейтингининг Россия қисмига тегишли. Бугунги кунда Freedom Holding капиталлашуви тахминан 3,6 миллиард долларни ташкил этади.
Аввалроқ Россиянинг энг бой миллиардери кимлиги хабар қилинганди. Шунингдек, Forbes дунёнинг энг бой 20 нафар одамини аниқлагани ҳақида хабар берилди.
