Ўзбекистонда автомобиль орқа ён ойналарини қорайтириш текин бўлди
Энди, 10 йилдан 15 йилгача бўлган енгил машиналар – икки йилда, 15 йилдан ортиқ бўлганлари эса бир йилда бир марта техник кўрикдан ўтказилади.
Ўзбекистонда автомобиль орқа ён ойналарини қорайтириш текин бўлди. Бу ҳақда Президент матбуот котиби хабар берди.
Президентнинг таъкидлашича, 1 июлдан бошлаб:
- автомобилнинг орқа ён ойналарини қорайтириш тўловлари бекор қилинади, яъни бепул бўлади;
- олд ва орқа ён ойналарни тўлиқ қорайтириш тўловлари 6 бараваргача арзонлаштирилади (2,5 миллион сўм бўлади);
- ишлаб чиқарилганига 10 йилдан кўп бўлмаган енгил машиналарни мажбурий техник кўрикдан ўтказиш тартиби бекор бўлади.
Энди, 10 йилдан 15 йилгача бўлган енгил машиналар – икки йилда, 15 йилдан ортиқ бўлганлари эса бир йилда бир марта техник кўрикдан ўтказилади.
«Бу ҳали бошланиши. Мен Президент маслаҳатчилари, Бош вазир ўринбосарлари ва вазирларга топшириқ берганман. Одамларимизни қийнаётган, аҳамиятини йўқотган тартиб ва чекловларни бекор қилиш бўйича Ишчи гуруҳи барча йўналишларда мунтазам ишлаяпти», — деди Президент йиғилиш якунида.
Давлат раҳбарининг айтишича, жойлардан тушган асосланган таклифлар ва ечимлар бўйича доимий тарзда халқнинг фойдасига хизмат қиладиган қарорлар қабул қилиб борилади.