Қалин туман туфайли кўришнинг ёмонлашиши Тошкент ва Наманган халқаро аэропортларида самолётларни қабул қилиш ҳамда жўнатишни чеклаб вақтинча қўйди.
Қалин туман Uzbekistan Airports авиакомпаниясининг HY614 (Москва — Тошкент) рейсини Бухоро муқобил аэродромига жўнатилишига сабаб бўлди. Бортида 214 йўловчи бўлган самолёт маҳаллий вақт билан 03:23 да Бухорога келиб қўнди. Шунингдек, HY426 (Деҳли — Тошкент) рейси ҳам Бухоро аэропортига йўналтирилди. Кўриш яхшиланганидан кейин иккала самолёт ҳам Тошкентга қайтиб учиб кетди.
Uzbekistan Airports авиакомпаниясининг HY23/24 (Тошкент — Бухоро — Тошкент) рейси бироз кечиктирилди. HY23 рейси маҳаллий вақт билан 10:52 да Бухорога келиб қўнди ва 11:53 да Тошкентга жўнаб кетди.
Бундан ташқари, Uzbekistan Airports авиакомпаниясининг HY9662 (Екатеринбург — Тошкент), HY3196 (Сеул — Тошкент), HY274 (Истанбул — Тошкент), HY708 (Владивосток — Тошкент), HY9646 (Москва — Тошкент) йўналишларидаги рейслари Навоийдаги муқобил аэродромга йўналтирилди. Шунингдек, Россиянинг «Аэрофлот» авиакомпаниясининг Минералние Води — Тошкент йўналиши бўйича AFL1870 рейси Навоийга жўнатилди.
Uzbekistan Airports авиакомпаниясининг HY18 (Нукус — Тошкент) ва ҲЙ336 (Жидда — Тошкент), Озарбайжоннинг Azal авиаташувчисининг AHY5031 (Боку — Тошкент), Fort Aero’нинг FRX513 чартер рейси Самарқандга муқобил аэродромга жўнаб кетди.
Шунингдек, Uzbekistan Airports авиакомпаниясининг Перм — Наманган йўналиши бўйича HY9802 рейси Фарғона аэропортига йўналтирилди ва маҳаллий вақт билан соат 01:51 да Фарғонага келиб қўнди.
HY9620/9619 (Москва — Наманган — Москва) рейси учиш вақти 18 декабрдан 19 декабрга ўзгартирилди. Самолёт белгиланган аэропортга маҳаллий вақт билан 16:10 да жўнайди.
19 декабрь куни маҳаллий вақт билан соат 16:40 га белгиланган HY9619 (Наманган — Москва) рейси эса 20 декабрга кўчирилди. Uzbekistan Airports авиакомпаниясининг HY9805 (Наманган — Самара) ва ҲЙ9806/9829 (Самара — Наманган — Екатеринбург) рейслари ҳам кечиктирилди.
S7 авиакомпаниясининг SBI5567/5568 (Новосибирск — Наманган — Новосибирск) рейси; Air Arabia авиакомпаниясининг G78 (Наманган — Шаржа) ва G785 (Шаржа — Наманган — Шаржа) рейслари; Red Wings авиакомпаниясининг WZ4483/4484 рейслари (Москва — Наманган — Москва); шунингдек, Jazeera Airways’нинг J9645 рейси (Қувайт — Наманган — Қувайт) Наманганда об-ҳаво шароити яхшиланмагунча кечиктирилди.
