Янгиликлар 17:22 · 06.08.2026
Йиллик инфляция 6,4 фоизни ташкил этди
Олмос гигантининг меросхўри, Adidas шериги: Forbes Африканинг энг бой одамларини эълон қилди
Forbes журнали Африканинг энг бой бизнесменларининг янги рейтингини тузди. Биринчи ўринни 12 йил кетма-кет нигериялик тадбиркор эгаллади. Рўйхатга Cartier бренд эгаси, DeBeers олмос гиганти меросхўри, Adidas, НБА ва НХЛ клублари шериклари киритилган
Американинг Forbes журнали 2023 йилда Африканинг энг бадавлат тадбиркорлари рейтингини эълон қилди. Унга қитъанинг 54 давлатидан атиги еттита давлат вакили бўлган 19 нафар бизнесмен кирган.
Нашр рўйхат иштирокчиларининг умумий бойлигини 81,5 миллиард долларга баҳолаган, бу 2022 йилдагидан 3,1 миллиард долларга кам.
12 йил кетма-кет биринчи ўринни нигериялик миллиардер Алико Данготе эгаллади, унинг бойлиги 13,5 миллиард долларга баҳоланган. Данготе капитали 2022 йилги рейтингга нисбатан 400 миллион долларга камайган. Данготе Африкадаги энг йирик цемент ишлаб чиқарувчи Dangote Cement компаниясига эгалик қилади.
Рейтингда иккинчи ўрин Cartier, Montblanc ва Chloe каби брендларга эгалик қилувчи Швейцариянинг Compagnie Financiere Richemont компанияси раиси Йоханн Рупертга насиб этди. Руперт Жанубий Африка Республикаси (ЖАР) фуқаролигига эга. Forbes унинг бойлигини 10,7 миллиард долларга баҳолаган.
Учинчи ўринда олмос қазиб олувчи DeBeers компанияси меросхўри Никки Оппенгеймер жой олган. Оппенгеймер ҳам ЖАР фуқароси, унинг бойлиги 8,4 миллиард долларга баҳоланган.
Рейтингнинг бешинчи ўрнида мисрлик тадбиркор Нассеф Савирис жой олди. У спорт кийимлари ва жиҳозлари ишлаб чиқарувчи Adidas компаниясининг тахминан 6 фоизига, шунингдек, «Нью-Йорк Никс» (НБА) ва «Нью-Йорк Рейнжерс» (НХЛ) клубларига эгалик қилувчи Нью-Йоркнинг Madison Square Garden Sports компаниясининг 5 фоизига эгалик қилади. Савириснинг бойлиги 7,3 миллиард долларга баҳоланган.
Қайд этилишича, рейтингдан аёллар ўрин эгалламаган. Учинчи йил кетма-кет рўйхатга Африканинг энг бой аёли, СССРда туғилган ва Россия фуқаролигига эга бўлган Анголанинг собиқ президентининг қизи Изабель душ Сантуш кирмади. Душ Сантуш 2013 йилдан бери қитъанинг энг бой аёли бўлиб келган, аммо 2021 йилда Forbes уни миллиардерлар рўйхатидан чиқариб юборган. Анголада душ Сантуш давлат маблағларини ўзлаштириш ва пул ювишда айбланган. 2021 йил декабрида АҚШ унга нисбатан «давлат маблағларини шахсий мақсадларда ўзлаштириш орқали йирик коррупцияда иштирок этгани» учун санкция қўллаган.
Интервью
Ўзбекистоннинг олтин захираси беш йилда 879 тоннага оширилади
Тошкент бозорида импорт мол ва қўй гўшти қимматлашди
«Чўнтагимда 500 доллар қолган эди» — Uber’да ишлайдиган ўзбекистонлик IT-мутахассис билан суҳбат
Зафар Ҳакимов музейлараро экспозициялар алмашиш таклифини билдирди
«Беларусь билан солиштирганда, бу ерда ҳамма нарса энди бошланмоқда» — Тимур Миндаров
Рейтинг
Ўзбекистон олтин сотиш бўйича дунёда етакчига айланди
Ўзбекистоннинг энг кучли 10 банки рейтинги эълон қилинди
O‘zbekiston pasportining jahon reytingidagi o‘rni o‘zgardi
2024-yilning 9 oyida O‘zbekistondagi qaysi onlayn to‘lov tizimi eng yuqori daromadga erishdi?
O‘zbekistonda tug‘ilish va nikoh kamaydi
Таҳлил
Уй-жой бозори таҳлили: Яшнободдаги ўсиш ва «Янги Тошкент» омили
Фермерлик фаолияти бўйича хавотирлар умумий манзарани ифодаламайди — таҳлил
Европа валютасининг АҚШ доллари ўрнини эгаллашига нима тўсқинлик қилади?
Ўзбекистонликлар қайси банк хизматларидан мамнун ва қайсиларидан норози?
Ўзбекистон банк секторини глобал трансформациялар кутмоқда – таҳлил