![O’zbekistonda nominal ish haqining o’sishi sekinlashdi](https://kommers.uz/wp-content/uploads/2024/07/photo_2024-07-29_12-46-05.jpg)
O’zbekistonda mehnat migrantlarining oilalariga moddiy yordam berilishi mumkin
Bandlik vazirligining normativ-huquqiy hujjatlar loyihalari muhokamasi portaliga joylashtirilgan qaror loyihasida boquvchisi xorijga ishlash uchun ketgan oilalarga BHMning ikki baravari (680 ming so'm) miqdorida bir martalik moddiy yordam ajratish ko‘zda tutilgan.
![O’zbekistonda mehnat migrantlarining oilalariga moddiy yordam berilishi mumkin](https://kommers.uz/wp-content/uploads/2024/07/photo_2024-07-15_17-11-03.jpg)
Kambag’allikni qisqartirish va bandlik vazirligi “Oʻzbekiston Respublikasi fuqarolarini xorijda tashkillashtirilgan tartibda ishga joylashtirish tizimini yanada takomillashtirish chora-tadbirlari toʻgʻrisida”gi qonun loyihasini muhokamaga qo’ydi.
Qonun boquvchisi ishlash uchun xorijga chiqib ketgan oilalarga davlat tomonidan yordam ko’rsatish tizimini yaxshilash, yordamga muhtoj oilalar bilan tizimli ravishda ishlashni tashkil etishga qaratilgan.
Qonunda boquvchisi xorijga mehnat migratsiyasiga chiqib ketgan “Ijtimoiy himoya yagona reyestri” tizimida ro’yxatda bo’lgan oilalarga bazaviy hisoblash miqdorining 2 baravari (680 ming so’m) miqdorida moddiy yordam berilishi nazarda tutilgan.
Mablag’lar Xorijda mehnat faoliyatini amalga oshiruvchi shaxslarni qo‘llab-quvvatlash hamda ularning huquq va manfaatlarini himoya qilish jamg‘armasi hisobidan taqdim etiladi. Moddiy yordam olish uchun mahallada tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha tuman (shahar) hokimlari yordamchilarining yozma tavsiyanomasi talab etiladi.
Shuningdek, xorijda mehnat qilayotgan fuqarolarning “Ijtimoiy himoya yagona reyestri”da ro’yxatda bo’lgan yoki “Temir daftar”, “Ayollar daftari” va “Yoshlar daftari”dan biriga kiritilgan oila a’zolariga dori-darmon, nogironlik aravachasi, eshitish apparati yoki ortopedik mahsulotlar xarid qilish uchun BHMning 5 baravari (1,7 million so’m) miqdorida bir martalik moddiy yordam berilishi ham rejalashtirilgan.
Bundan tashqari, ular bilan birga istiqomat qiluvchi pensiya yoshiga yetgan yoki I va II guruh nogironligi bo‘lgan oila a’zolariga kasaba uyushmalari tizimidagi sanatoriy va profilaktik davolanish muassasalariga bir martalik bepul yo‘llanma taqdim etiladi. Mahallalardagi yoshlar yetakchilarining yozma tavsiyanomasi bilan reyestrda bo‘lgan, daftarlardan biriga kiritilgan hamda mehnat migratsiyasiga chiqib ketgan fuqarolarning bolalariga mavsumiy faoliyat yuritadigan oromgohlarga bepul yo‘llanmalar beriladi.
Mehnat migratsiyasidagi fuqarolar “Xorijda ish” dasturiy majmuasida ro‘yxatdan o‘tgan bo‘lsa, yordam puli va yo‘llanma olishi mumkin bo’ladi. Buning uchu ulardan ushbu dasturiy majmua orqali murojaat qilish talab etiladi.
Kambag‘allikni qisqartirish va bandlik vazirligi talabgorlardan elektron murojaat kelib tushgan vaqtdan boshlab, 10 ish kuni ichida belgilangan talablarga javob berishini qo‘shimcha hujjatlarni so‘ramasdan tekshiradi. Shuningdek, hokim yordamchilari va mahallalardagi yoshlar yetakchilaridan yozma tavsiyanoma olinadi.
Qaror loyihasi yuzasidan fikr-mulohazalar bu yerda 2024- yilning 27-iyuligacha qabul qilinadi.
![O’zbekistonda nominal ish haqining o’sishi sekinlashdi](https://kommers.uz/wp-content/uploads/2024/07/photo_2024-07-29_12-46-05.jpg)
![Markaziy bank asosiy stavkani pasaytirdi. Bu qanday natijaga olib keladi?](https://kommers.uz/wp-content/uploads/2024/07/photo_2024-07-25_12-58-42-2.jpg)
![Qurilish vaziri Botir Zokirov lavozimidan ozod etildi](https://kommers.uz/wp-content/uploads/2024/07/photo_2024-07-17_14-23-54.jpg)
![Urganch aeroporti vaqtinchalik yopiladi](https://kommers.uz/wp-content/uploads/2024/07/66951c832efa7.jpg)
![«Чўнтагимда 500 доллар қолган эди» — Uber’да ишлайдиган ўзбекистонлик IT-мутахассис билан суҳбат](https://kommers.uz/wp-content/uploads/2022/09/img_0883_1661755796.png)
![Қайси банклар электромобиллар учун автокредитлар ажратмоқда? — рўйхат](https://kommers.uz/wp-content/uploads/2023/02/4.jpg)
![Markaziy bank asosiy stavkani pasaytirdi. Bu qanday natijaga olib keladi?](https://kommers.uz/wp-content/uploads/2024/07/photo_2024-07-25_12-58-42-2.jpg)