Milliarder Ilon Mask o‘zining Tesla kompaniyasi tomonidan yaratilgan Cybercab robot taksisini taqdim etdi. Warner Bros. studiyasida o‘tkazilgan taqdimot Maskning o‘ziga tegishli bo‘lgan X sahifasida jonli efirga uzatilgan.

«Shaharda avtobusda yurishning o‘rtacha narxi bir milga (1.6 km) taxminan 1 dollarni tashkil etadi, Cybercab narxi esa milya uchun 20 sentga to‘g‘ri keladi», deydi Mask.

Taqdimotga Mask chayqaladigan eshiklari bo‘lgan haydovchisiz robotaksida kelgan. Tadbirkorning so‘zlariga ko‘ra, kompaniya bugungacha 21 ta Cybercab islab chiqargan. Hammasi bo‘lib Tesla 50 ta to‘liq avtonom avtomobillarni yig‘gan.

Mashina 2027 yilgacha ishlab chiqariladi. Uning narxi 30 000 dollardan kamroq bo‘ladi, boshqa elektr transport vositalaridan farqli o‘laroq Cybercab induktiv quvvatga ega bo‘ladi. Mashina sun’iy intellekt texnologiyasi va kameralar yordamida harakatlanadi.

Mask, shuningdek, 20 tagacha yo‘lovchini olib keta oladigan kattaroq avtomobil – Robovanni ham namoyish qildi. Uning so‘zlariga ko‘ra, bunday mashina sport jamoasi tomonidan ishlatilishi mumkin. Tadbirkor Robovanning ishlab chiqarishi va sotuvi bo‘yicha ma‘lumotlarni ochiqlamadi.

Reuters Tesla kompaniyasining sanoat vakillari va sobiq xodimlariga tayanib, Maskning robo taksidagi sun’iy intellekt texnologiyasida “qora quti” xavfi borligini yozdi. Suhbatdoshlardan biri agentlikka SI texnologiyalarining o‘ziga xos xususiyatlari baxtsiz hodisalarga sabab bo‘lishi mumkinligini va keyinchalik undan himoyalanishda qiyinchilikka duch kelish xavfi mavjudligini aytgan.