Uy-joyni ta’mirlash uchun ipoteka kreditlari olish boshlandi
2024-yil 21-oktabrda Vazirlar Mahkamasining qarori bilan uy-joy sharoitini yaxshilashga muhtoj bo‘lgan shaxslarga ipoteka kreditlari ajratish tartibi tasdiqlandi. Endilikda, 1-dekabrdan boshlab, fuqarolar online-mahalla.uz platformasi orqali uy-joyni ta'mirlash yoki yaxshilash uchun kredit olishlari mumkin bo'ladi.
Joriy yilning 21-oktabrida Vazirlar Mahkamasining “Mahalla yettiligi” tavsiyasi asosida aholini kambag‘allikdan chiqarish dasturiga kiritilgan va uy-joy sharoitini yaxshilashga muhtoj bo‘lgan shaxslarga ipoteka kreditlarini ajratish tartibi to‘g‘risidagi nizom tasdiqlandi.
Ushbu qaror asosida, ipoteka kreditini olish imkoniyatiga ega bo‘lgan shaxslar 1-dekabrdan boshlab online-mahalla.uz platformasi orqali ariza yuborishlari mumkin. Bu orqali fuqarolar uy-joyni ta’mirlash yoki yaxshilash uchun kredit olish imkoniyatiga ega bo‘ladi.
Avval xabar berganimizdek , ariza topshirish jarayonida hech qanday hujjat talab qilinmaydi, Ipoteka kreditlari uchun arizalarni topshirish huquqiga ega bo‘lgan fuqarolar yakka tartibdagi uy-joy qurish, rekonstruksiya yoki ta’mirlash uchun mablag‘ olishlari mumkin. Kreditlar “Agrobank”, “Xalq banki”, “Mikrokreditbank” va “Biznesni rivojlantirish banki” orqali ajratiladi.
