Ўзбекистонда фойдаланилган электромобиллар сотуви 3,1 баробарга ошди
Ҳозирги шароитда енгил автомобиллар сегментида сотувларнинг умумий ўсиши кузатилмоқда, бу тўрт ойлик фаоллик пасайишидан кейин ижобий кўрсаткичдир.
Ўзбекистон автомобил бозорида қисқа муддатда ижобий ўзгаришлар кузатилмоқда, бу эса енгил автомобиллар савдосининг ошиши билан изоҳланади. Шу билан бирга, электромобиллар бозорининг жадал ривожланиши кузатилмоқда, йил давомида фойдаланилган электромобиллар сотуви 3,1 баробарга, янгилари эса 1,3 баробарга ошди.
Ҳозирги шароитда енгил автомобиллар сегментида сотувларнинг умумий ўсиши кузатилмоқда, бу тўрт ойлик фаоллик пасайишидан кейин ижобий кўрсаткичдир.
Январ ойида сотувлар ўтган ойга нисбатан 9,5 фоизга ошиб, 78,6 мингта автомобилни ташкил этди, бу бозорда фаолликнинг тикланганлигини кўрсатмоқда.
Ҳудудлар бўйича январь ойида савдоларнинг энг катта ўсиши Сурхондарё – 27 фоиз, Андижон – 25 фоиз ва Наманган – 24 фоизга вилоятларида қайд этилди.
Бирламчи автомобил бозоридаги вазият
Ўзбекистоннинг енгил автомобиллар бирламчи бозорида ижобий ўзгаришлар кузатилмоқда. Янги енгил автомобиллар савдоси 18,5 фоизга ўсди, бу ўтган ойга нисбатан 4,1 минг донага кўпдир. Қисқа муддатли ижобий тенденцияга қарамай, йиллик кўринишда ушбу бозор сегментидаги фаоллик 15 фоизга камайди.
Январь ойида маҳаллий ишлаб чиқарилган янги автомобиллар савдоси ҳам ижобий динамикани кўрсатиб, 21,7 мингта автомобилни ташкил этди, бу ўтган ойга нисбатан 3,3 мингтага кўп.
Хорижий енгил автомобиллари сегменти ўсиб бормоқда
Йил бошида хорижда ишлаб чиқарилган янги ва фойдаланилган енгил автомобиллар бозорида савдо ҳажми сезиларли даражада ошгани кузатилди. Январь ойида ушбу сегментдаги фаоллик 21 фоизга ўсди, бу 4,9 мингта хорижий автомобил сотувига тўғри келади.
Бу ўсиш, айниқса, йиллик таққослаш контекстида сезиларли бўлиб, сотувлар ўтган йилнинг шу даврига нисбатан 42 фоизга ошган.
Енгил автомобилларнинг иккиламчи бозори
Январь ойида енгил автомобилларнинг иккиламчи бозоридаги вазият фаолликнинг ошиши билан тавсифланади. Сотувлар 52 мингта автомобилни ташкил этиб, ўтган йилнинг декабрь ойига нисбатан 5,4 фоизга ўсди.
Электромобиллар бозоридаги динамика
Янги ва фойдаланилган енгил эллектромобиллар сегменти фаоллик ўсишини кўрсатмоқда. Йил бошида сотувлар 5,5 минг дона автомобилни ташкил этиб, 24 фоизга ўсди.
Фойдаланилган енгил электромобилларга келсак, уларнинг савдоси йил давомида 3,1 баробар, янгилари эса 1,3 баробар ошди.
