Сунъий йўл нотекисликлари — уларнин 17 июль куни Савдо-саноат палатаси томонидан қурилиш соҳаси вакиллари билан ўтказилган очиқ мулоқотда Солиқ қўмитаси раиси Шерзод Кудбиев уй-жойларни сотишда уларнинг нархини сунъий равишда пасайтириш ҳолатлари кузатилаётгани ҳақида сўз юритди.

Унинг сўзларига кўра, жорий йилнинг январь июнь ойларида 2000 та ҳолатда битимларни нотариал расмийлаштиришда уй-жойнинг квадрат метри нархи 1 млн сўм деб кўрсатилган. Бундай объектларнинг умумий майдони 353 минг метр квадратни ташкил этди.

9300 та ҳолатда уйларнинг квадрат метри 1 млн сўмдан 3 млн сўмгача сотилган, умумий майдони — 702 минг метр квадрат. Умумий майдони 933 минг метр квадрат бўлган яна 13,5 мингта битимда қиймат 1 метр квадрат учун 3 млн сўмдан 5 млн сўмгача бўлган.

«Тошкентда пардозсиз уй-жойнинг бир квадрат метри $300−400 дан кам эмас. Вилоятларда ёки чекка ҳудудларда эса нархлар бундан арзонроқ бўлиши мумкин. Солиқ қўмитаси уй-жойларнинг минимал қийматини белгилаш тарафдори, аммо бу қонуний ишлайдиган қурувчиларни ҳимоя қилиш учун зарур», — деди Кудбиев.

Савдо-саноат палатаси раиси Даврон Ваҳабов уй-жой квадрат метрининг нотариал қиймати пасайтирилганига изоҳ бериб, қурувчилардан квадрат метри 5 млн сўмдан арзонроқ бўлган квартираларни қаердан топиш мумкинлигини сўради.

Шерзод Кудбиев Ўзбекистон қурувчилар ассоциациясини Тошкент шаҳрида уй-жойларнинг минимал нархини белгилаш бўйича таклифлар ишлаб чиқишга ва келажакда ушбу меъёрга амал қилишга чақирди. Унинг таъкидлашича, пойтахтда уй-жой нархи бир метр квадрати учун камида $500 ни ташкил этади.

Ўз навбатида, Даврон Ваҳабов қурувчиларга қонуний тартибда ишлашни ва уй-жой сотишнинг реал қийматининг камида 80 фоизини кўрсатишни таклиф қилди.