Аҳолини рўйхатга олиш: Нега муҳим ва қандай ўтади?
Ўзбекистонда 2026 йил 15 январдан 28 февралгача аҳоли ва қишлоқ хўжалигини рўйхатга олиш ўтказилади. Бу тадбир орқали аҳолининг ёши, таълим даражаси, миграцияси, иш билан бандлиги ва даромад манбалари ҳақида ягона маълумотлар базаси яратилади. Қишлоқ хўжалигида ердан фойдаланиш ва чорвачилик кўрсаткичлари ҳам аниқланади.
Рўйхатга олиш икки босқичда амалга оширилади:
- 15–31 январь — census.stat.uz орқали онлайн рўйхатдан ўтиш;
- 4–28 февраль — махсус тайёрланган ходимлар томонидан уйма-уй рўйхатга олиш.
Барча маълумотлар махфий сақланади ва респондент розилигисиз ошкор этилмайди. Жараённинг самараси аҳоли фаоллиги ва берилган маълумотларнинг тўғрилигига боғлиқ.
Рўйхатга олиш натижалари келгусида ижтимоий ҳимоя, соғлиқни сақлаш, уй-жой, таълим, инфратузилма ва инвестиция лойиҳаларини режалаштиришда муҳим аҳамият касб этади. Шунингдек, демографик сиёсат ва иқтисодий прогнозлар учун асос бўлиб хизмат қилади.
Ҳозирда рўйхатга олувчиларни тайёрлаш, ўқув семинарлари ўтказиш, электрон планшетлар ва ахборот тизимларини жорий этиш ишлари амалга оширилмоқда.
71 та саволдан иборат бўлиб, уларнинг 54 таси аҳолига, 17 таси қишлоқ хўжалигига тегишли.
