Янгиликлар 16:46 · 26.12.2025
2026 йилдан ҚҚС тушумининг бир қисми ҳудудларда қолдирилади
Ўзбекистонда битта хонадон учун ажратиладиган имтиёзли ипотека кредити миқдори 15 фоизга оширилади
Уй-жой сотиб олишда бошланғич тўлов ва фоиз тўловларининг бир қисмини қоплаш учун 2,7 трлн сўм субсидия берилади.
Ўзбекистонда битта хонадон учун давлат бюджети ҳисобидан ажратиладиган имтиёзли ипотека кредити миқдори 15 фоизга оширилади. Бу ҳақда Шавкат Мирзиёев 26 декабрь куни Олий Мажлис ва халққа мурожаатномасида маълум қилди.
Давлат раҳбари 2026 йилда мамлакатни ижтимоий-иқтисодий ривожлантиришнинг учинчи устувор йўналиши — ички бозорда талабни рағбатлантириш масаласига тўхталар экан, бу борада аҳолининг даромади ва харид қобилиятини оширишга қаратилган ишларни изчил давом эттириш зарурлигини қайд этди.
Маълум қилинишича, 2026 йилда аҳоли эҳтиёжидан келиб чиқиб, иқтисодиётда энг катта талаб яратадиган уй-жой ипотекасига 23 трлн сўм ресурс ажратилиши кўзда тутилмоқда.
«Уй-жой сотиб олишда бошланғич тўлов ва фоиз тўловларининг бир қисмини қоплаш учун 2 трлн 700 млрд сўм субсидия берилади. Шунингдек, битта квартира учун ажратиладиган имтиёзли ипотека кредитининг миқдори 15 фоизга оширилади», — деди президент.
Маълумот учун, ҳозирда битта квартира учун ажратиладиган имтиёзли ипотека кредитининг миқдори Тошкент шаҳрида 420 млн сўм, ҳудудларда 330 млн сўмни ташкил этади. Эндиликда бу миқдор мос равишда 483 млн сўм ва 380 млн сўмгача оширилади.
Келгуси йилда 140 мингта квартирали кўп қаватли уй-жой барпо этилиши зарур истеъмол товарларига талабни оширишини ҳисобга олиб, 2026 йилда 125 трлн сўмлик истеъмол кредити ажратилади.
2026 йилда, давлат раҳбарининг сўзларига кўра, қурилиш ишлари ҳажмини 11 фоизга кўпайтириб, 30 млрд долларга етказиш кўзда тутилмоқда.
Интервью
«Чўнтагимда 500 доллар қолган эди» — Uber’да ишлайдиган ўзбекистонлик IT-мутахассис билан суҳбат
Зафар Ҳакимов музейлараро экспозициялар алмашиш таклифини билдирди
«Беларусь билан солиштирганда, бу ерда ҳамма нарса энди бошланмоқда» — Тимур Миндаров
«2 млн сўмлик даромадга эга бўлган одамда жамғариш рағбатининг пайдо бўлиши жуда ҳам қийин» — Отабек Бакиров
«Бутун дунёда омонатларни кўпроқ катталар шакллантиради, кредитлардан кўпроқ ёшлар фойдаланади» — Отабек Бакиров
Рейтинг
Ўзбекистон олтин сотиш бўйича дунёда етакчига айланди
Ўзбекистоннинг энг кучли 10 банки рейтинги эълон қилинди
O‘zbekiston pasportining jahon reytingidagi o‘rni o‘zgardi
2024-yilning 9 oyida O‘zbekistondagi qaysi onlayn to‘lov tizimi eng yuqori daromadga erishdi?
O‘zbekistonda tug‘ilish va nikoh kamaydi
Таҳлил
Ўзбекистонликлар қайси банк хизматларидан мамнун ва қайсиларидан норози?
Ўзбекистон банк секторини глобал трансформациялар кутмоқда – таҳлил
Иккиламчи автомобиллар бозорида нархлар тушиши давом этмоқда
Ўзбекистон уй-жой бозори: нархлар барқарорлашмоқда
Кўчмас мулк бозори ўз позициясини мустаҳкамламоқда — таҳлил