Ўзбекистонда 12 январь куни граммли олтин қуйма нархи биринчи марта 9 миллион сўмдан ошди.

Марказий банк маълумотларига кўра, олтин қуймалар нархи қуйидагича белгиланди:

• 5 грамм — 9 млн 010 минг сўм;
• 10 грамм — 18 млн 020 минг сўм;
• 20 грамм — 36 млн 472 минг сўм;
• 50 грамм — 90 млн 100 минг сўм;
• 100 грамм — 180 млн 200 минг сўм.

Ўзбекистон Марказий банки 5 январдан олтин қуймаларини қайтариб сотиб олиш нархларини эълон қилишни бошлади. Уни қайтариб олиш нархлари эса қадоғи бутлиги ёки бузилганига (техник талабларга мос келмайдиган ҳолатда бўлганига) кўра фарқланади.

Жаҳон бозорида ҳам олтин нархи кескин ошиб, 4600 долларлик маррани забт этди. Тобора кўпроқ инвесторлар фонд бозорларидаги хавфлардан қочиб, энг ишончли актив ҳисобланган олтинга мурожаат қилмоқда. Бунга қатор омиллар сабаб бўлгани тахмин қилинмоқда. Эронда давом этаётган норозилик намойишлари, АҚШ бу мамлакатга зарба бериши мумкинлиги ҳақида хавотирлар ҳамда Гренландия атрофидаги вазият шулар жумласидан.