Ўзбекистонда 19 январь куни олтин қуймалар нархи пастлади. Бир грамм олтин нархи 1 миллион 827 минг сўмни ташкил этди.

Марказий банк маълумотларига кўра, олтин қуймалар нархи қуйидагича белгиланди:

• 5 грамм — 9 млн 139 минг сўм;
• 10 грамм — 18 млн 277 минг сўм;
• 20 грамм — 36 млн 554 минг сўм;
• 50 грамм — 91 млн 386 минг сўм;
• 100 грамм — 182 млн 772 минг сўм.

Ўзбекистон Марказий банки 5 январдан олтин қуймаларини қайтариб сотиб олиш нархларини эълон қилишни бошлади. Уни қайтариб олиш нархлари эса қадоғи бутлиги ёки бузилганига (техник талабларга мос келмайдиган ҳолатда бўлганига) кўра фарқланади.

2026 йил 12 январь куни 5 граммли олтин қуйма нархи биринчи марта 9 миллион сўмдан ошганди. 13 январь куни олтин қуймалар нархи яна 2,3 фоизга ошиб, 5 граммли қуйма нархи 9 миллион 215 минг сўмни ташкил этганди.Жаҳон бозорида эса олтин нархи кўтарилди. 19 январь куни у 1,6 фоизга ўсиб, бир унция учун 4 666,11 долларни ташкил этди. Олтин нархи билан бирга кумуш нархи ҳам ошди. Бунга АҚШ президенти Доналд Трампнинг Гренландия устидан назорат ўрнатиш масаласида Европа давлатларига қўшимча божлар жорий этиши сабаб бўлди.