Пенсия жамғармаси мй.гов.уз порталида пенсияни нақд шаклга ўтказиш бўйича онлайн хизматни ишга туширди.

Энди фуқаролар ушбу хизматдан фойдаланган ҳолда уйдан чиқмасдан туриб пенсияни нақд шаклга ўтказиши мумкин. Бунда Пенсия жамғармаси туман (шаҳар) бўлимига мурожаат қилиш шарт эмас.

Бунинг учун ариза берувчи ЙИДХПда рўйхатдан ва/ёки авторизациядан ўтади ва «Пенсия тўловини нақд пул шаклига ўтказиш» хизматини танлаб, сўров юборади. Хизмат бепул ва ҳеч қандай ҳужжатлар талаб этилмайди.

Молия вазирлиги ҳузуридаги Пенсия жамғармаси маълумотларига кўра, мамлакат бўйлаб 4,2 миллион фуқаро пенсия олувчи сифатида қайд этилган. Уларнинг 3,8 миллион нафари пенсияни банк пластик картасида олади. Бу жами пенсия олувчиларнинг 89 фоизини ташкил этади.