Ўзбекистон 2025 йилда рекорд миқдорда олтин сотди, дейилади Миллий статистика қўмитаси ҳисоботида.
Декабрда Ўзбекистон олтин экспортини бутунлай тўхтатди. Бу ўтган йилда Марказий банк қимматбаҳо металлни сотмаган бешинчи ой бўлди — январь, июнь, октабр, ноябрь ва декабрь ойларида олтин экспорт қилинмади.
Қолган ойларда етказиб бериш ҳажми қуйидагича бўлган: февралда — $1,73 млрд, мартда — $1,84 млрд, апрелда — $1,91 млрд, майда — $1,01 млрд, июлда — $1,09 млрд, августда — $836 млн, сентябрда — $1,47 млрдни ташкил этди.
Январь декабрь ойлари якунларига кўра, қимматбаҳо металлар етказиб бериш ҳажми $9,9 млрддан ошди — бу 2024 йилга нисбатан 32,3% га кўпдир. Олтин умумий экспортнинг 29,2% дан ортиғини, шунингдек, товар экспортининг 37,8% ини ташкил этади.
Ўтган йили қимматбаҳо металлар экспорти 2023 йилда ўрнатилган тарихий максимал кўрсаткичдан ($8,15 млрд) сезиларли даражада ошди.
Олтин-валюта захиралари декабрь ойида яна бир тарихий рекорд ўрнатди. Уларнинг ҳажми $66,31 млрдга етди — бу бир ой олдингига нисбатан $5,07 млрдга кўп. Марказий банк омборларидаги олтин қиймати $4,2 млрдга ошиб, биринчи марта $55,09 млрдни ташкил этди. Бу захираларнинг физик ҳажмини 12,3 млн троя унциясидан 12,6 млн троя унциясигача (391,9 тонна) ошириш ҳисобига содир бўлди.
2025 йилда НКМК 135,6 трлн сўмлик ($11,3 млрд) маҳсулот ишлаб чиқарди — бу ўтган йилга нисбатан 44,7% га кўпдир. Олтин ишлаб чиқариш ҳажми 3,15 млн троя унциясини ташкил этди, бу ўтган йилга нисбатан 2,1% га кўпдир.
