Ўзбекистонда 2025 йилда ўртача ойлик иш ҳақи расмий равишда 6,4 млн сўмни ташкил қилди.

Ўзбекистонда 2025 йил январь—декабрь ойларида ўртача ойлик номинал ҳисобланган иш ҳақи 6 миллион 376 минг сўмдан ошди. Бу 2024 йилдагига нисбатан 18,9 фоизга кўп.

Статистика қўмитаси таҳлилига кўра, ўртача ойлик иш ҳақининг энг юқори даражаси Тошкент шаҳри (10,7 миллион сўм) ва Навоий вилоятида (7,9 миллион сўм) қайд этилган. Бошқа ҳудудлардаги кўрсаткич ўртача миқдордан паст даражада шаклланган. Энг кам даражадаги ўртача ойликлар Сурхондарё ва Қашқадарё вилоятларида тўланган—4,5 миллион сўм. Қолган ҳудудлардаги кўрсаткич қуйидагича бўлган:

• Тошкент вилояти—5,9 миллион сўм;
• Андижон вилояти—5,2 миллион сўм;
• Сирдарё вилояти—5,1 миллион сўм;
• Қорақалпоғистон — 5 миллион сўм;
• Бухоро вилояти—5,1 миллион сўм;
• Хоразм вилояти—5 миллион сўм;
• Жиззах вилояти—4,8 миллион сўм;
• Наманган вилояти 4,7 миллион сўм;
• Фарғона вилояти 4,7 миллион сўм;
• Самарқанд вилояти—4,7 миллион сўм.

Соҳалар кесимида банкирлар энг юқори маош олувчилар сифатида ўз ўрнини сақлаб қолган. Йил охирига келиб уларнинг ўртача маоши 17,6 млн сўмгача ўсган.

Иккинчи ўринда ахборот ва алоқа соҳаси ходимлари бормоқда — 15,3 млн сўм. Кучли учликни 9,7 млн сўм билан ташиш ва сақлаш (логистика) ёпиб берди.

Ўқитувчи ва шифокорлар ўртача иш ҳақи бўйича ҳамон энг сўнгги ўринларда бормоқда. Улар мос равишда 4,4 млн сўм ва 3,9 млн сўм ўртача маош олган.