2025 йил якунларига кўра, Ўзбекистонда кузатилмайдиган иқтисодиёт ҳажми қарийб $40 млрдга етди. Бу ҳақда Миллий статистика қўмитаси ҳисоботида келтирилган.

Январь декабрь ойларида мамлакатнинг ялпи ички маҳсулоти ҳажми 1,85 квадриллион сўм ($147 млрд) ни, реал ўсиш суръати эса 7,7% ни ташкил этди. Натижада ўсиш суръати 2021 йилдан бери энг юқори даражага етди.

Кузатилмайдиган иқтисодиётнинг ялпи қўшилган қиймати ҳажми 498,04 трлн сўм (ўртача йиллик алмашув курси бўйича — $39,62 млрд) га етди. Унинг ЯИМдаги улуши 2024 йилнинг мос даврига нисбатан сезиларли даражада пасайди — 34,8% дан 26,9% гача.

Кузатилмайдиган иқтисодиёт норасмий ва яширин иқтисодиётга бўлинади. Норасмий иқтисодиёт — уй хўжаликлари ва жисмоний шахслар фаолиятининг ялпи қўшилган қиймати ҳажми 351,04 трлн сўмни ёки ЯИМнинг 19% ини ташкил этди. Яширин иқтисодиёт эса 147 трлн сўм (7,9%) дан ортиққа баҳоланмоқда. Норасмий ва яширин сектор улуши олдинги йилга нисбатан пасайди.

Уй хўжаликлари ва жисмоний шахслар фаолияти ҳамда яширин иқтисодиёт ҳажмининг тармоқлар бўйича таркибида қишлоқ, ўрмон ва балиқчилик хўжалиги етакчилик қилди — жами ҳажмнинг 62,6%и.

Ундан кейинги ўринларда хизматлар соҳаси (26,9%), қурилиш (23,5%) ва турибди. Шунингдек, саноат таркибида кузатилмайдиган иқтисодиёт ҳажми 9% ни ташкил этди.

2024 йилдаги ЯИМ қайта ҳисобланганда $121 млрдга етганди. Қайта ҳисоблаш натижасида ЯИМ 80,9 трлн сўм ёки 5,6% га ортди. Ўсиш асосан давлат буджети ҳисобидан таъминланган.