2024 йилда истеъмолчиларга 1,5 трлн сўмдан ортиқ кешбэк тўлаб берилди. Бу ҳақда Солиқ қўмитаси хабар берди. Ўтган йил якунлари бўйича истеъмолчиларга 1,51 трлн сўмдан ортиқ кешбэк тўланди, бу 2024 йилга нисбатан 43,9% га кўпдир. Чиқарилган фискал чеклар сони 1,6 млрд донадан ошди — йил давомида 56,7% га ўсди.

Қайд этилишича, ўтган йили Солиқ мобил иловасида кешбэк хизматидан 7,47 млн киши (32,5% га ўсиш) фойдаланган.

Бир чек учун ўртача сумма 8,1% га камайди — 102,6 минг сўмдан 94,2 минг сўмгача, ундан 942 сўм кешбэк қайтарилди.

Ҳудудлар кесимида кешбэк тўловлари суммаси:

• Тошкент — 564 млрд сўм (+36,8%);
• Тошкент вилояти — 177,2 млрд сўм (+65,4%);
• Фарғона вилояти — 129,2 млрд сўм (+70,9%);
• Самарқанд вилояти — 103,5 млрд сўм (+11%);
• Хоразм вилояти — 79,8 млрд сўм (+64,9%).

Тўланган кешбэкларнинг умумий ҳажмида пойтахтнинг улуши 39,1% дан 37,2% га камайди. Тўловлар ҳажми бўйича Фарғона вилояти Самарқанд вилоятини ортда қолдириб, юқори учликка кирди. Шунингдек, Хоразм вилояти бешинчи ўринни эгаллаб, Андижон вилоятини ортда қолдирди.

2024 йил январь ойида Солиқ иловасида фискал чекларни сканерлашда 1% кешбэк тўланадиган харидлар суммасига чекловлар жорий этилган эди. Энди ойига БҲМнинг 60 баравари (22,5 млн сўм) миқдоридаги чекларни сканерлаш мумкин.

Солиқ қўмитаси фуқаролар томонидан ойига 204 минг сўм миқдорида кешбэк тўловлари миқдорини чеклаш истеъмолчиларнинг 98%ига таъсир қилмаслигини таъкидлади.

«Фойдаланувчиларнинг қолган 2%и бошқа шахсларга тегишли чеклар суммасини ўзлаштириш ёки тадбиркорлар томонидан чекни харидорга бермасдан, ўзлари ёки қариндошлари томонидан ўтказиш ҳолатлари юзасидан шикоятлар мавжудлиги сабаб, мазкур тартиб жорий этилди.

2024 йилда Солиқ қўмитаси истеъмолчиларга 1 трлн сўм кешбэк тўлаган. Тўловларнинг ярми пойтахт ва Тошкент вилояти ҳиссасига тўғри келган. Чиқарилган фискал чеклар сони 1 млрд донадан ошганди.