Жаҳон савдо ташкилоти билан ишлаш бўйича Идоралараро комиссияси йиғилишининг 2026 йил 16 февралдаги баёни тасдиқланди. Юқори қўшилган қийматга эга саноат маҳсулотларини ишлаб чиқаришни рағбатлантириш ва рақобатбардошлигини ошириш ҳамда маҳаллий ишлаб чиқарувчиларни қўллаб-қувватлаш массадида Ўзбекистон президентининг 2018 йил 29 июндаги қарори билан кўзда тутилган импорт божи ставкалари ўрнига 2026 йил 17 февралдан 2027 йил 1 январга қадар айрим турдаги товарлар учун импорт божининг вақтинчалик пасайтирилган ставкалари қўлланилади.

Бунда, 2027 йил 1 январга қадар

240З 91 000 0,
240З 99 900 2,
240З 99 900 8,
3802 10 000 0,
3802 90 000 0,
4813 10 000 0,
4813 20 000 0,
4813 90 100 0,
481З 909000,
5601221000,
560122900 0

ТИФ ТН кодлари асосида олиб кирилаётган товарлар тамаки маҳсулотларини ишлаб чиқариш мақсадида олиб келинганда импорт божининг вақтинчалик пасайтирилган ставкалари «Лойиҳалар ва импорт контрактларини экспертиза килиш маркази» ДУКнинг ижобий хулосаси асосида татбиқ этилади.

Пасайтирилган ставкаларга кўра, апельсин, ананас, грейпфрут, памело ва бошқа цитрус меваларнинг шарбатларини ишлаб чиқариш учун қўлланиладиган мазкур меваларнинг концентратлари учун 3 фоизлик импорт божи ставкаси тасдиқланди.  Тамаки маҳсулотларини ишлаб чиқаришда фойдаланиладиган «гомогенлаштирилган» ёки «тикланган» тамаки, «кенгайтирилган» жилкалар, тамаки экстрактлари ва бошқалар учун импорт божи ставкаси 20 фоиз қилиб белгиланди.

Мазкур ставка сигарет қоғози, эни 5 см.гача, 5 см.дан ортиқ ва 15 см дан ошмайдиган китобча ёки трубка кўринишида сигарет қоғози рулонлари учун 3 фоизни ташкил қилади.

Тамаки маҳсулотларини ишлаб чиқаришда фойдаланиладиган, кимёвий толалардан тайёрланадиган (шу жумладан, диаметри 8 мм дан ошмайдиган) вата учун 5 фоизлик импорт божи ставкаси тасдиқланди. Мазкур кўрсаткич тамаки учун қўлланиладиган кўмир ва фаоллаштирилган кўмир учун 5 фоиз қилиб белгиланди.