Ўзбекистон Марказий банки 2025 йилдаги P2P ўтказмалари бўйича таҳлилий статистик рақамларни эълон қилди.

Қайд этилишича, 2025 йил якуни бўйича P2P (бир жисмоний шахсдан бошқа жисмоний шахсга тўғридан тўғри пул ўтказиш)ўтказмалари тузилмаси карта орқали пул ўтказмалари асосан кундалик ҳисоб-китоблар ва ўзаро тўловлар учун қўлланилган. Барча транзакцияларнинг 75,5 фоизи 10 миллион сўмдан ошмаган.

Шундан:

• 1 млн сўмгача — қарийб 46,1 фоиз;
• 1-5 млн сўм оралиғида — 16,8 фоиз;
• 5-10 млн сўм оралиғида — 8,6 фоизни ташкил этган.

Каттароқ миқдорлар камроқ қайд этилган. 50 миллион сўмдан юқори ўтказмалар умумий операцияларнинг 10 фоизидан камини, 200 миллион сўмдан ортиқ ўтказмалар эса атиги 2 фоизни ташкил этган.

Ўзбекистонда 21 январда мобил иловалар орқали P2P ўтказмалар учун янги қоидалар эълон қилинди. Эндиликда мобил иловада рўйхатдан ўтган фойдаланувчи ўз аккаунтига фақат ушбу шахснинг ўзига ёки яқин қариндошларига тегишли бўлган банк ҳисобварағи, банк картаси ҳамда электрон ҳамёнларни бириктириши ва шу аккаунт орқали P2P ўтказмаларини амалга ошириши мумкин бўлади. Ушбу янги қоида у эълон қилинганидан 3 ой ўтгач, кучга киради.

Бунда, яқин қариндошларга қариндош ёки қуда томондан қариндош бўлган шахслар, яъни ота-она, туғишган ва ўгай ака-ука ва опа-сингиллар, эр-хотин, фарзанд, шу жумладан, фарзандликка олинганлар, бобо, буви, неваралар, шунингдек, эр-хотиннинг ота-онаси, туғишган ва ўгай ака-ука ва опа-сингиллари киради.