Ўзбекистоннинг олтин-валюта захиралари тарихий рекордни янгилаб 77 миллиард доллардан ошди.

Марказий банк маълумотларида келтирилишича, 2026 йил 1 март ҳолатига кўра, захиралардаги халқаро активларнинг умумий қиймати 77,08 миллиард доллардан ошди. Захиралар бир ойда 2 миллиард долларга ошди. Йил бошидан буён 16,2 фоиздан кўпроққа кўпайди.

Ўсиш асосан олтин нархининг ошиши ва мамлакат захираларидаги қимматбаҳо металл ҳажмининг ортиши ҳисобига таъминланган. Ой давомида олтин нархининг 5063,45 доллардан 5174,10 долларгача ошишининг таъсири +1,4 миллиард долларни ташкил этди.

Олтин қиймати кетма-кет саккизинчи ой ўз рекордини янгилаб, 67,67 миллиард долларни ташкил этди. Ўтган ой билан таққослаганда бу кўрсаткич 2,69 миллиард доллардан кўп. Олтиннинг физик ҳажми 12,8 миллиондан 13,1 миллион трой унциягача ўсди.

Валюта захиралари қисқариб, 8,83 миллиард долларни ташкил этди. Бунда хорижий марказий банклар ва Халқаро валюта жамғармасидаги валюта захиралари миқдори 1,2 миллиард доллар, хорижий банкларда эса 6,09 миллиард доллар бўлган.

Хорижий қимматли қоғозларнинг қиймати бироз ошиб, 1,540 миллиард долларга етди. Ундан аввалги ойда бу кўрсаткич 1 536 миллиард долларни ташкил этган.