Ипотека кредитлари бўйича субсидиялар тўлашнинг мақсадли кўрсаткичлари доирасида аризалар қабули бошланди.

Аризаларни 16 март куни соат 14:00 дан бошлаб Давлат хизматлари марказлари ёки мйГов мобил иловаси ҳамда my.gov.uz портали орқали топшириш мумкин.

Талабгорлар ижтимоий мезонлар асосидаги баҳолашда 30 ва ундан юқори балл тўплаши ҳамда кредит тарихидастурда иштирок этувчи камида битта банкнинг ички талабларига мос бўлиши керак.

Ариза берувчида, шу жумладан, унинг турмуш ўртоғининг номида мамлакат бўйлаб мулк ҳуқуқи билан турар жой мавжуд бўлмаслиги ҳамда ўртача ойлик даромади белгиланган мезонлар доирасида бўлиши лозим.

Бунда ҳарбий ходимлар бевосита давлат хизматлари марказига мурожаат қилиш орқали ариза топширишлари мумкин.

Ариза топшириш (баҳолаш) даврида ОнеИД тизимида иштирок этувчи банкларга кредит тарихини баҳолаш учун тегишли маълумотлардан фойдаланишга рухсат берилган бўлиши ҳамда кредит тарихини олишга чеклов вақтинча ўрнатилмаган бўлиши керак. Акс ҳолда, кредит тарихини ўрганиш имконияти чекланиб, ариза рад этилиши мумкин.

Шунингдек, ариза берувчи ўз хоҳиши билан даромадлари ҳисоб-китобига яқин қариндошларининг ҳам даромадларини киритиши мумкин. Талабгор ва унинг яқин қариндошларининг ўртача даромади қуйидагича бўлиши керак:

• Қорақалпоғистон ва вилоятларда — МҲТEКМнинг 2,7 баравардан 8 бараваргача (3,431 млн — 10,168 млн сўм);
• Тошкент шаҳрида — МҲТEКМнинг 2,7 баравардан 9,2 бараваргача (3,431 млн — 11,693 млн сўм).

Уй-жой сотиб олишда ипотека кредити бўйича бошланғич тўлов ва фоизларнинг бир қисмини қоплашга буджетдан маблағ ажратилади. Кредит фоиз тўловларининг бир қисмини қоплаш учун субсидиялар Марказий банкнинг асосий ставкасидан ошган қисмига тўлаб берилади.