Ўзбекистонда умумий овқатланиш корхоналари учун ҚҚСни қайтариш тартибини соддалаштириш режалаштирилмоқда. Бу ҳақда Солиқ қўмитаси департамент директори Азиз Умирзоқов сешанба куни президент ҳузуридаги тақдимотда кўриб чиқилган чора-тадбирлардан сўнг маълум қилди.

Унинг сўзларига кўра, тақдимотда тадбиркорлик ривожига тўсқинлик қилаётган тўсиқларни бартараф этиш, бизнесга маъмурий юкламани камайтириш ва тадбиркорлар ўз ишини ривожлантиришга кўпроқ вақт ажрата олиши учун шароит яратиш вазифаси қўйилган.

«Тегишли тақдимотда тадбиркорлик фаолияти ривожланишига тўсқинлик қилаётган тўсиқларни бартараф этиш, бизнесга маъмурий юкламани камайтириш ва тадбиркорлар ўз вақтининг катта қисмини ўз ишини ривожлантиришга сарфлашлари учун максимал даражада қулай шароитлар яратиш вазифаси қўйилди», — деди у «Ўзбекистон 24» телеканалига берган интервьюсида.

Азиз Умирзоқовнинг таъкидлашича, чора-тадбирлардан бири умумий овқатланиш корхоналари учун ҚҚС бўйича кешбэк тўлаш тартибини соддалаштиришга тааллуқлидир.

Агар нақд пулсиз тўловлар улуши пастроқ бўлса, қайтариш суммаси ҳам камаяди, дея қўшимча қилди у.

«Агар ушбу кўрсаткич пастроқ бўлса, у ҳолда қайтариладиган сумма ҳам камаяди ва корхона 40 фоиз эмас, балки 20 фоиз олади», — деди Умирзоқов.

Президент ташаббуси доирасида ушбу тартибни соддалаштириш таклиф этилмоқда. «Эндиликда ҳар қандай умумий овқатланиш корхонаси нақд ва нақд пулсиз тушум улушидан қатъи назар, тўланган ҚҚСнинг 40 фоизи миқдорида қайтариб олади», — деб таъкидлади Азиз Умирзоқов.

Бундан ташқари, президент матбуот хизмати маълумотларига кўра, айрим савдо, умумий овқатланиш ва хизмат кўрсатиш соҳаси объектлари учун экологик экспертиза ва компенсация тўловлари билан боғлиқ тартиб-таомилларни юмшатиш кўзда тутилган.

Шунингдек, иш берувчи ва ходим ўртасидаги меҳнат муносабатларидаги айрим жараёнларни аниқлаштириш таклиф этилди.