АҚШнинг Forbes журнали Виталик Бутеринни 2021 йилнинг энг машҳур янги миллиардерларидан бири деб топди.

Рейтингни тузиш вақтида Америка журнали 27 ёшли тадбиркорнинг бойлигини 1,3 миллиард долларга баҳолаган. Бутерин Ethereum блокчейн платформаси ва унинг криптовалюта эфири асосчиси ҳисобланади. 488 миллиард доллар капиталлашуви билан эфир биткоиндан кейин иккинчи ўринда туради, бозор қиймати эса 966 миллиард долларга тенг.

Қайд этилишича, эфир нархининг ўзгарувчанлиги сабабли Бутерин баъзан миллиардерлар қаторига кирган, баъзан эса уларнинг сафидан тушиб қолган.

Ноябрь ойи охирида Forbes 27 ёшли Бутеринни «30-30» шон-шарафлар залига киритди. Нашр ушбу рўйхатнинг 10 йиллиги муносабати билан 30 нафар «барча давр юлдузи»ни танлаб олди. 2021 йилда у дунёнинг энг ёш крипто-миллиардерига айланганди.

Маълумот учун, Виталик Бутерин 1994 йилда Россиянинг Москва вилояти Коломна шаҳрида туғилган. Кейинчалик у оиласи билан Канадага кўчиб ўтди ва Торонтода катта бўлди. 2014 йилда Бутерин таниқли венчур капиталисти Питер Тиль мукофотини олди. Бу унга диққатини биткоин криптовалюта тармоғини ўрганишга, бир йилдан сўнг эса ўзининг Ethereum блокчейн платформасини ишга туширишга имкон берди.

Аввалроқ Дуровнинг изоҳидан кейин Toncoin деярли 50 фоизга қимматлашгани хабар қилинганди.