Билл Гейтс, Уоррен Баффет ва бошқалар: миллиардерлар тажрибаси ҳақида 5 та китоб
Майкл Делл китобида 19 ёшида коллежни ташлаб, PC Limited компаниясига асос солгани ҳақида сўзлаб берган.
Дунёнинг энг бой миллиардерлари кўпинча маълум бир турдаги китобларни ўқишни тавсия қилади. Баъзилари эса ўз тажрибаси билан ўртоқлашиш учун автобиография ва мемуарлар ёзади. Қуйида, аллақачон, муваффақиятга эришган бизнесменлар қаламига мансуб 5 та китоб ҳақида сўз боради.
«Деллдан воситачиларсиз. Компьютер саноатида инқилоб қилган стратегиялар», Майкл Делл
Айни вақтда Майкл Делл Forbes рейтингида 21-ўринда бормоқда, унинг молиявий ҳолати қарийб 60 миллиард долларга баҳоланган.
Миллиардер Майкл Делл 19 ёшида коллежни ташлаб, PC Limited компаниясига асос солган. Орадан вақт ўтиб ушбу компания Dell Computer корпорациясига айланган. Китобда Делл ўзининг қаттиқ, аммо самарали бошқарув услуби билан ўртоқлашган.
«Молиявий мустақиллик бўйича янги қўлланма: банд одамлар учун оддий ечимлар», Чарльз Шваб
Айни вақтда Чарльз Шваб Forbes рейтингида 150-ўринда бормоқда, унинг молиявий ҳолати 13,5 миллиард долларга баҳоланган.
Charles Schwab Corporation банк-брокерлик компанияси асосчиси Чарльз Шваб ҳар қандай одам ақлли сармоядор бўлиши мумкинлигига ишонади. Унинг фикрича, бунинг учун молиявий саводхонлик асосларини ўрганиш ва уларни инвестиция стратегиясида қўллай олиш кифоя.
«Блумберг Bloomberg ҳақида», Майкл Блумберг
Айни вақтда Майкл Блумберг Forbes рейтингида 17-ўринда бормоқда, унинг молиявий ҳолати 13,5 миллиард долларга баҳоланган.
Майкл Блумбергнинг автобиографияси 1997 йилда, Нью-Йорк мэри бўлишидан беш йил олдин нашр этилган. Китобда миллиардер ўзининг медиа-империясини қандай қургани ҳақида сўзлаб, ўз фаолиятидаги муҳим лаҳзаларни тасвирлаб берган.
«Бизнес фикр тезлигида», Билл Гейтс
Айни вақтда Билл Гейтс Forbes рейтингида 4-ўринда бормоқда, унинг молиявий ҳолати 132 миллиард долларга баҳоланган.
100 миллиард долларлик капиталга эга бўлган одам ўз китобида одамлар билан тўғри ишлаш ёки етакчилик фазилатларини ошириш сирлари ҳақида гапирмайди. Гейтс бизнес ва технология ўртасидаги узвий боғлиқлик ҳақида сўзлаб берган.
«Инвестиция, корпоратив молия ва компания бошқаруви бўйича эссе», Уоррен Баффет
Айни вақтда Уоррен Баффет Forbes рейтингида 6-ўринда бормоқда, унинг молиявий ҳолати 113 миллиард долларга баҳоланган.
Berkshire Hathaway холдинг компаниясининг 86 ёшли раиси ва бош директори Уоррен Баффет тарихдаги энг кучли ва муваффақиятли инвесторлардан бири ҳисобланади. Китобда бизнесменнинг Berkshire Hathaway акциядорлари билан ёзишмаларидан парчалар келтирилган.
Китоб глобал бизнесни қуришда тадбиркорлар муқаррар равишда дуч келадиган муҳим бизнес саволларга жавобдир. Миллиардер ўзининг кўп компонентли фалсафасига эга бўлиб, уни китобда тушунарли тилда тасвирлаб беради ва кўпинча шахсий тажрибага мурожаат қилади.
Аввалроқ Netflix асосчиси Рид Хастингс қандай китоблар ўқиши ҳақида батафсил маълумот берилганди.
