Ўзбекистон Марказий банки тижорат банклари томонидан жисмоний шахслар билан валюта айирбошлар операцияси бўйича маълумот берди.
Қайд этилишича, 4 март куни жисмоний шахслар тижорат банкларидан 86 миллион 561 минг 320 рубль сотиб олган.
Шунингдек, тижорат банклари жисмоний шахслардан 7 миллион 354 минг 654 рубль сотиб олган.
Ўзбекистонда рублнинг расмий курси 7 мартдан 99,10 сўм этиб белгиланган.
Маълумот учун, 24 февраль куни Россия Украинага бостириб киришни бошлаганидан сўнг мамлакатга қатор санкциялар қўллана бошланди. Шундан сўнг рубль қадрсизланиши процесси жадаллашиб кетди.
