Ўзбекистонда долларнинг расмий курси 180,26 сўмга кўтарилиб, 11 минг 330,38 сўмни ташкил этмоқда. Бу ҳақда Марказий банк матбуот хизмати хабар берди.
Қайд этилишича, 1 АҚШ долларининг расмий курси 180,26 сўмга ошиб, 11 минг 330,38 сўмни ташкил этган. 1 евро курси 12 минг 448,69 сўмга баҳоланиб, 177,98 сўмга ошди. Шунингдек, 1 рубль 105,15 сўм этиб белгиланиб, 5,89 сўмга кўтарилди.
Маълумот учун, ушбу алмашув курслари 17 март, пайшанба кунидан кучга киради.
