Эфириумни яратган Виталик Бутерин миллиардер мақомидан маҳрум бўлди
Сўнгги ҳафталарда Эфириум 2022 йил давомида энг паст даражага тушди — криптовалюта 1983 долларга баҳоланмоқда.
Эфириум яратувчиси Виталик Бутерин 2021 йил май ойида энг ёш криптомиллиардерга айланди. Бир йил ўтгач, энг йирик криптовалюталар нархи тушиб кетди — хусусан, Эфириум 1,8 минг долларгача тушди. Шундан сўнг Бутериннинг бойлиги 850 миллион долларга баҳоланмоқда.
Эфириум блокчейн платформаси яратувчиси, 28 ёшли Виталик Бутерин Twitter’да у энди миллиардер эмаслигини ёзди.
«Троллларга эслатма: йўқ, Эфириум хато эмас эди», — деб қўшимча қилди у бошқа твитда.
Forbes журнали 2021 йилнинг май ойида Бутеринни 1,09 миллиард доллар бойлиги билан дунёдаги энг ёш криптовалюта миллиардери деб тан олди.
Эфириумнинг нархи биринчи марта 3 минг доллардан ошганидан кейин Бутериннинг бойлиги бу миқдордан ошиб кетди.
Сўнгги ҳафталарда Эфириум 2022 йил давомида энг паст даражага тушди — криптовалюта 1983 долларга баҳоланмоқда.
BitBull Capita криптовалюта хеж-фонди раҳбари Жо ДиПаскуале криптовалюта бозорида нима содир бўлаётганини «юқори инфляцияга қарши курашиш учун монетар кескинлаштиришнинг тарихий суръати» ва АҚШ долларининг бошқа жаҳон валюталарига нисбатан мустаҳкамланиши билан изоҳлади.