Uzbekistan Airways матбуот хизматининг маълум қилишича, компания қишки парвозлар жадвалига ўтиши муносабати билан Урганч — Милан — Тошкент, Урганч — Рим — Тошкент ва Тошкент — Париж йўналишлари бўйича мавсумий авиапарвозлар вақтинча тўхтатилади.

Таъкидланишича, Италия ва Францияга парвозлар тасдиқланган жадвалга кўра ёзги парвозлар жадвали охиригача амалга оширилади. Хусусан:

• Урганч – Рим – Тошкент ҳафтада бир марта – сешанба кунлари (25 октабргача);
• Урганч – Милан – Тошкент ҳафтада бир марта – жума кунлари (28 октабргача);
• Тошкент – Париж – Тошкент ҳафтасига икки марта – сешанба ва жума кунлари (28 октабргача).