Ўзбекистоннинг халқаро олтин-валюта захиралари ярим млрд долларга камайди
Халқаро захиралар сезиларли даражада пасайиб, $33,4 миллиардни ташкил этган. Бу кўрсаткич ўтган ой билан солиштирганда $500 миллион долларга камайган
Марказий банк Ўзбекистоннинг олтин захиралари бўйича 1 октябрь ҳолатига кўра тақдим қилган маълумотларида, халқаро захиралар сезиларли даражада пасайиб, $33,4 миллиардни ташкил этгани, бу кўрсаткич ўтган ой билан солиштирганда $500 миллион долларга камайган.
Сентабрь ойи давомида олтиннинг физик ҳажми 12,3 миллион троя унциядан 12,5 миллион троя унцияга ошган бўлса, қиймати $21 001,9 миллиондан $20 997 миллионга пасайган. Бундан ташқари, захира активлари таркибидаги хорижий валюта захиралари ҳам август ойидаги $12 миллиард кўрсаткичдан сентабр ойига келиб $500 миллионга камайиб, $11,5 миллиардни ташкил қилган.
Шунингдек, Ўзбекистон ялпи халқаро захиралари йил бошидан $1,64 миллиардга ёки 4,7%га камайиб, $1,59 миллиардни ташкил қилган. Бунда олтин нархининг йил бошидаги $1799,25 дан $1672,75 гача пасайиши таъсир қилган, дейилади Марказий банк маълумотида.
