Ўзбекистоннинг ўртача иш ҳақи бўйича Марказий Осиёдаги ўрни маълум бўлди
Бу борада Республикада иш ҳақи 2021 йилга нисбатан анча ўсганини кузатиш мумкин
Ўзбекистон ўртача ойлик иш ҳақи бўйича Марказий Осиёда учинчи ўринни эгаллади. Бу ҳақда ASIA-Plus хабар берди.
2022 йилнинг январь-сентябрь ойларида Ўзбекистонда ўртача ойлик номинал иш ҳақи 3,72 миллион сўмни (335 доллар) ташкил этди. 2021 йилнинг шу даврига нисбатан ўсиш 24,9 фоизни ташкил этди.
Марказий Осиёнинг бешта давлати Россиянинг ўртача ойлик номинал иш ҳақини солиштирганда Ўзбекистоннинг бу борада кўрсаткичи анча ошганини кўриш мумкин. Бу кўрсаткич бўйича Ўзбекистон Марказий Осиёда учинчи ўринда туради. Марказий Осиёнинг бешта давлатида ўртача ойлик номинал иш ҳақини солиштирганда, Ўзбекистон учинчи ўринни эгаллади.
Марказий Осиё мамлакатлари ва Россияда ўртача ойлик иш ҳақи қуйидагича:
- Тожикистон 159$
- Қозоғистон 650$
- Туркманистон 383$
- Ўзбекистон 335$
- Қирғизистон 279$
- Россия 828$
Рейтинг Тожикистон учун август ойи охири, Ўзбекистон учун сентябрь охири ва бошқа мамлакатлар учун йилнинг биринчи ярмидаги маълумотларга асосланди.
Ўртача ойлик номинал ҳисобланган иш ҳақи таркибига нафақалар, иш ҳақи, рағбатлантириш тўловлари, компенсация тўловлари ва ишламаган соатлар учун тўловлар, шунингдек жисмоний шахслардан олинадиган даромад солиғи ва касаба уйушма фондига ажратмалар киради.
Еслатиб ўтамиз, «соф» иш ҳақи бўйича Ўзбекистон МДҲда энг ёмон кўрсаткични кўрсатди. Рейтингга кўра, енг «саховатли» маош Швейсария, Сингапур ва Австралия давлатларига тегишли эканлиги маълум бўлди.
Аввалроқ 2022 йил январь-июнь ойларида Республикадаги ўртача ойлик номинал ҳисобланган иш ҳақи 3 миллион 540 минг 500 сўмни ташкил етган.
