Ўзбекистонда қишлоқ хўжалиги соҳасидаги лойиҳаларга қанча маблағ сарфлангани маълум қилинди

Ўзбекистонда 10 ой давомида қишлоқ хўжалиги соҳаси бўйича – жами 27 581 та лойиҳага 7,5 трлн сўмдан ортиқ молиявий ёрдам кўрсатилган. Шунингдек, жамғарма январь-октябрь ойларида жами 4 549 та лойиҳага қарийб 1 трлн 552 млрд сўм молиявий ёрдам кўрсатиш бўйича мажбурият олган.

Ўзбекистонда 10 ой давомида қишлоқ хўжалиги соҳаси бўйича – жами 27 581 та лойиҳага 7,5 трлн сўмдан ортиқ молиявий ёрдам кўрсатилган. Бу бўйича Иқтисодий тараққиёт ва камбағалликни қисқартириш вазирлиги ахборот хизмати хабар берди.

Жамғарма 2 турдаги молиявий ёрдам кўрсатади: Кафиллик ва компенсация.

Қайд этилишича, жамғарма 10 ой мобайнида жами 4 549 та лойиҳага қарийб 1 трлн 552 млрд сўм молиявий ёрдам кўрсатиш бўйича мажбурият олган, жумладан, кафиллик бўйича 1 257 та лойиҳага – 1 048 млрд сўм, компенсация бўйича 3 292 та лойиҳага – 504 млрд сўм ва тадбиркорлик субъектлари томонидан жами 36 630 та янги иш ўрни яратилиши кўзда тутилган.

Соҳалар кесимида 2022 йил 1 ноябрь ҳолатига:

– қишлоқ хўжалиги соҳаси бўйича – жами 27 581 та лойиҳага 7,5 трлн сўмдан ортиқ молиявий ёрдам кўрсатилган ва 153 761 та янги иш ўрни яратиш кўзда тутилган;

– саноат соҳаси бўйича – 5 731 та лойиҳага қарийб 2,8 трлн сўм молиявий ёрдам кўрсатилган ва 90 065 та янги иш ўрни яратиш кўзда тутилган;

– хизмат кўрсатиш соҳаси бўйича – 8 368 та лойиҳага 3,0 трлн сўмдан ортиқ молиявий ёрдам кўрсатилган ва 65 574 та янги иш ўрни яратиш кўзда тутилган;

– бошқа соҳалар бўйича эса – 6 716 та лойиҳага 3,0 трлн сўмдан ортиқ молиявий ёрдам кўрсатилган ва 70 028 та янги иш ўрни яратиш кўзда тутилган.

Шунингдек, Жамғарманинг келгуси 4 йиллик прогноз кўрсаткичлари ва таҳлил натижаларига кўра, 2023–2026 йиллар давомида компенсация мажбуриятлари йилига ўртача 1,3 баробар ўсиши прогноз қилинган.

Жамғарма томонидан кичик тадбиркорлик субъектлари лойиҳаларига компенсация ва кафиллик тижорат банкларининг фақат миллий валютадаги кредит (лизинг)лари учун берилади.

Жамғарма томонидан компенсация ёрдами 5 млрд сўмдан ва фоиз ставкаси Марказий банк асосий ставкасининг 1,5 бароваридан ошмаган, яъни ҳозирда Марказий банк асосий ставкаси 15% деб белгиланган бўлса, 1,5 баробари 22,5%га тўғри келади ва 3 йил муддатгача компенсация тақдим этилади.

Кафиллик ёрдами тижорат банклари томонидан ажратиладиган кредитларнинг 50% гача, бироқ умумий қиймати 2,5 млрд сўмдан ошмаган миқдорда тақдим этилади.

Koʻrishlar soni: 16