Иқтисодий тараққиёт ва камбағалликни қисқартириш вазирлиги томонидан 1–5 декабрь кунлари деҳқон бозорларида асосий истеъмол товарларининг улгуржи нархлари бўйича кузатув натижалари эълон қилинди. Вазирлик асосий турдаги қишлоқ хўжалиги ва гўшт маҳсулотларининг улгуржи нархлари ўзгариши юзасидан таҳлилий маълумот берди.

Давлат божхона қўмитасининг тезкор маълумотларига асосан, умумий қиймати 15,7 млн АҚШ долларлик (ўтган йилнинг мос даврига нисбатан 3,4 млн АҚШ доллари кам) жами 20,6 минг тонна (6,5 минг тонна кам) қишлоқ хўжалиги маҳсулотлари экспорти амалга оширилди.

Хусусан, мазкур даврда 4,3 минг тонна узум, 3,8 минг тонна хурмо, 1,8 минг тонна мош, 1,7 минг тонна ловия, 1,0 минг тонна майиз, 0,9 минг тоннадан қуритилган мева, помидор, кўкат ва 0,8 минг тонна гулкарам ташқи бозорларга етказиб берилган.

Шунингдек, ушбу давр мобайнида 3,0 млн АҚШ доллари (ўтган йилнинг мос даврига нисбатан 1,7 минг доллар кам) қийматидаги жами 12,4 минг тонна (5,3 минг тонна кам) қишлоқ хўжалиги маҳсулотлари, хусусан, 7,2 минг тонна картошка, 1,6 минг тонна банан, 1,5 минг тонна мандарин, 278 тонна апельсин ҳамда 61,5 тонна киви импорт қилинган.

Ҳудудлардан Тошкент бозорларига келтирилган маҳсулотлар

Тезкор маълумотларга асосан, «Қўйлиқ» бозорига ҳудудлардан жами  3,3 минг тонна, хусусан, 1,5 минг тонна картошка, 1,4 минг тонна пиёз, 125 тонна карам ва 275 тонна сабзи келтирилган. Хусусан, ҳудудлар ва маҳсулотлар кесимида таҳлил қилинганда:

• Самарқанддан 311 тонна, Тошкент вилоятидан 195 тонна картошка;
• Жиззахдан 441 тонна, Тошкент вилоятидан 433 тонна ва Самарқанддан 385 тонна пиёз;
• Тошкент вилоятидан 125 тонна карам;
• Тошкент вилоятидан 125 тонна карам;

Шунингдек, «Қўйлиқ» бозорига Қозоғистондан 712 тонна ва Қирғизистондан 153 тонна картошка ҳамда Қозоғистондан 179 тонна пиёз келтирилган.

Шу билан бирга, ҳудудлардан «Чорсу» деҳқон бозорига жами 64,2 тонна, шу жумладан, 57,3 тонна мол гўшти ва 6,9 тонна қўй гўшти келтириб сотилган.