Rossiya 2024-yilda O‘zbekistonga neft yetkazib berish hajmini 30 foizga oshirdi
O‘tgan yili Rossiyadan O‘zbekistonga neft yetkazish hajmi 154,3 ming tonnani tashkil qilgan, 2024-yil oxirigacha hajmni 500 ming tonnadan oshirish rejalashtirilgan.
Yanvar-avgust oylarida Rossiya neftining Qozog‘iston hududi orqali O‘zbekistonga tranziti 2023-yildagiga nisbatan 30 foizga oshdi. Bu haqda Rossiya Energetika vazirining birinchi o‘rinbosari Pavel Sorokin qozog‘istonlik hamkorlar bilan uchrashuv vaqtida aytib o‘tdi, deb xabar bermoqda “TASS” axborot agentligi.
Unga ko‘ra, 2024-yil yanvardan avgustgacha, Rossiyadan Qozogʻiston orqali tranzit orqali Oʻzbekistonga neft yetkazib berish butun 2023-yildagi koʻrsatkichlardan qariyb 30 foizga oshgan. Sorokin hamkorlarga “konstruktiv yondashuvi uchun” minnatdorchilik bildirgan. Shuningdek, 2023 yilda Xitoyga yetkazib berish hajmi 10 million tonnani tashkil etganini eslatib o‘tgan.
Ma’lumot o‘rnida 2023-yilda Rossiyadan O‘zbekistonga neft yetkazish hajmi 154,3 ming tonnani tashkil qilgan, 2024-yil oxirigacha hajmni 500 ming tonnadan oshirish rejalashtirilgan.
Eslatib o‘tamiz, Rossiyaning “Gazprom neft” kompaniyasi O‘zbekistonda avtomobillarga yoqilg‘i quyish shoxobchalari tarmog‘ini qurish imkoniyatini muhokama qilmoqda. kompaniya rahbari Aleksandr Dyukov O‘zbekistonda Rossiyaning neft va neft mahsulotlari — benzin, dizel yoqilg‘isi, moylash va bitum materiallari allaqachon yetkazib berilayotgani, emndilikda avtomobillarga yoqilg‘i quyish shoxobchalari tarmog‘ini qurish imkoniyatlari ko‘rib chiqilayotganini ma’lum qilgandi.