Qirg‘iziston Milliy statistika qoʻmitasi maʼlumotlariga koʻra, 2024-yilning avgustidan sentyabrigacha boʻlgan davrda mol goʻshti narxi sezilarli darajada oshgan. Go‘sht narxlari oshishi bo‘yicha “Akchabar” nashri ma’lumot berdi.

Bildirilishicha, joriy yilning avgust oyida mol go‘shtining o‘rtacha narxi bir kilogramm uchun 570,23 Qirg‘iziston somi (86 260 so‘m) etib belgilangan bo‘lsa, sentabr oyidayoq bu ko‘rsatkich 608,77 somga (92 090 so‘m) yetgan. O‘tgan yilning shu davriga nisbatan narxlarning sezilarli darajada o‘zgarganini ko‘rish mumkin: bir yil davomida mol go‘shti narxi 10,77 foizga o‘sgan.

Nashrning ma’lum qilishicha, Monopoliyaga qarshi kurashish xizmati vaziyatni baholash va ijtimoiy ahamiyatga ega mahsulotlar tannarxining yanada oshishiga yo‘l qo‘ymaslik maqsadida mamlakat bozorlaridagi narxlar monitoringini o‘tkazishni boshlagan.

Monopoliyaga qarshi kurashish xizmati vakillarining qayd etishicha, O‘zbekistonga va Tojikistonga go‘sht eksportining sezilarli darajada oshgani narxlarning keskin oshishida asosiy omil bo‘lgan.

“Ayni paytda katta hajmdagi goʻsht Oʻzbekistonga, u orqali Tojikistonga ketmoqda. Qishloq xoʻjaligi vazirligi bunga javoban respublikadan goʻsht olib chiqishni vaqtinchalik taqiqlashni taklif qildi”, deydi Monopoliyaga qarshi kurashish xizmati vakili.

Shu haftada go‘sht eksportiga qo‘yilgan vaqtinchalik taqiq bekor qilindi. Biroq, ta’kidlanganidek, boshqarma Qishloq xo‘jaligi vazirligi va Monopoliyaga qarshi xizmatning birgalikdagi faoliyati tufayli narxlarni pasaytirishga erishgan. Xizmat ko‘rsatuvchi mutaxassislar tomonidan har kuni bozorlar monitoringi olib borilayotgani, savdogarlar va go‘sht tarqatuvchilar bilan tushuntirish ishlari o‘tkazilayotgani ma’lum qilindi.