2025-2027-yillarga moʻljallangan soliq-bojxona siyosati soliq maʼmurchiligi va raqobat muhitini yaxshilash, aholini sogʻlom turmush tarziga jalb qilish hamda atrof-muhitni himoya qilishni ragʻbatlantirishni koʻzda tutuvchi bir qator asosiy yoʻnalishlarni oʻz ichiga olgan. Bu haqda 2025-2027-yillarga mo‘ljallangan Budjetnomada ma’lumot keltirilgan.

Quyidagi soliq stavkalari o‘zgarishsiz saqlab qolinadi:

• foyda solig‘i (15%);
• jismoniy shaxslardan olinadigan daromad soligʻi (12%);
• ijtimoiy soliq (12 foiz, byudjet tashkilotlari uchun 25%);
• QQS (12%);
• yuridik shaxslar mol-mulk solig‘i (1,5 foiz);
• aylanmadan olinadigan soliq (4 foiz);
• qishloq xo‘jaligi yerlarini sug‘orish va baliqlarni yetishtirish (o‘stirish) uchun suv resurslaridan foydalanganlik uchun soliq (100 so‘m).

Soliq imtiyozlarini bekor qilish, tadbirkorlar uchun teng sharoit va qulay biznes muhitini yaratish maqsadida tovarlarni (ishlarni) eksportga realizatsiya qilishdan olingan foyda soligʻi (0 foiz) va aylanmadan olinadigan soliq imtiyozlari bekor qilinmoqda.

Shuningdek, 2025-2026-yillarda qoʻshimcha soliq va bojxona imtiyozlarini bermaslik, bekor boʻlganlarini qayta tiklamaslik yo‘nalish sifatida belgilandi.